‘Nai Maromak kuda jardin ida iha Eden, iha parte lorosa’e, no Nia tau mane da nebee Nia forma ona iha fatin nebaa.’ (Jenesis 2:8)
Hahu fofoun, Maromak kria Jardin, hafoin Nia forma Mane ho Feto no Nia tau sira iha jardin nebaa. Ida nee ita hanaran, ‘Fatin ba Lei nian.’ Mai ita kompriende ida nee: O sei susesu bainhira o iha fatin nebee Maromak hakarak.
Sera ke o sente ona moras ida nebee makaas iha fatin nebee sala? Triste teb-tebes. Entaun, dala barak o koko hodi ‘halo buat nebee o hakarak’ envez ke halo buat nebee agrada Maromak. O bele ba ho maneira nebee fasil ou ho maneira nebee difisil; Maromak fo eskolla rua ba o hodi o rasik hili. Maibe too ikus o sei ba, ou selae o sei mout. Exemplu ida mak Jonas- nia hili hodi la ba Ninive atu hatoo Maromak Nia Liafuan iha nebaa tamba nia la gosta ema sira nebee hela iha nebaa. Ajuda sira maka buat nebee ikus hodi nia belee halo, maibe nia hili hodi halai husi servisu nebee Maromak fo ba nia hodi halo iha Ninive. Konsekuensia husi la halo tuir Maromak mak nia hasoru tempestade boot, afeta sofrimentu no halakon ema seluk no fo terus ba ema sira nebee iha Ro nebaa nia laran, no nia monu iha fatin nebee kraik liu molok nia too iha fatin nebee Maromak haruka nia baa. Aprende ba husi Jonas. Labele halo fali hahalok nebee beik, karun, no fallansu nebee la nesesario.
Nai Maromak haruka Adaun ho Eva atu ‘fo fuan barak no iha jerasaun barak halo nakonu mundu nee’ (Jenesis 1:28) Depois Nia dehan ba sira, ‘Imi tenke halo servisu ida nee.’ Bain hira o too iha fatin nebee loos, labele hanoin katak o nia servisu nee fasil ou o bele sai ema nebee susesu iha kalan ida nia laran deit. Pastor no Autor Amerikanu Philips Brooks halo orasaun nunee, ‘Nai, ami la husu ba Nai naha nebee kamaan, maibe ami husu mak fo ba ami kabaas nebee forti.’
Bainhira Apostolo Paulo orasaun atu Maromak fo naha nebee kamaan ba nia, Maromak hatan ba nia nunee; ‘Hau nia Grasa natoon ba o.’ (2Korintius 12:9) Bainhira o iha fatin nebee loos, halo tuir buat nebee Nai Maromak hakarak, o sei sai prospero iha tempu nebee ema iha o nia sorin-sorin hasoru susar, tamba o hatene ‘Agradese’ hodi atende situasaun hotu. (HG)
Hahan ba Klamar: Atus 24-26, Lukas 9:18-27, Salmu 1, Proverbiu 16:10-15