‘Hein iha Maromak: iha haksolok nebee diak, I Nia sei haforsa o nia fuan.’ (Salmu 27:14)

David atinje ona ninia pontu final. ‘Hau fiar katak hau sei hare buat diak husi Nai, iha rai nebee ema sei moris hela.’ (Salmu 27:13) o bele identifika ka lae?

Serake o too ona o nia pontu final? Se nunee karik, o iha eskolha rua: Harahun ou Sobu. Buat sira nee hotu depende ba saida mak o halo. Iha piada ida nebee hateten nunee: ‘Loro-matan nebee halo nabeen margarina, nia mos halo rai sai maran no toos.’ Iha tempu nebee problema mai, o bele fila kotuk kontra Maromak tamba o servi dadaun nia maibe o la komprende oinsa mak Nia husik buat sira nee akontese ba o, ou o bele fila fali ba Nia tamba iha Nia mak o hetan forsa no kompreensaun. Nunee mak David nia liafuan kontinua nee importante teb-tebes: ‘Hein iha Nai, labele tauk, Nia sei hametin o nia fuan.’

Dala ruma Maromak muda ita nia sirkunstansia; iha tempu seluk, Nia uja ida nee hodi haforsa ita. Koko ba hodi kompriende ida nee. Ida nee laos konaba o, maibe konaba ema sira nebee Nai Maromak hakarak kona sira liu husi o nia moris. ‘Nia bele fo haksolok ba o iha o nia problema sira hotu atu nunee o mos bele fo haksolok ba ema seluk.’ (2 Korintius 1:4)

Laiha buat ida nebee bele halo Nai Maromak desiste no laiha buat ida nebee Maromak labele halo. Situasaun nebee agora dadaun o hasoru, ida nee bele sai hanesan Plataforma ba Maromak hodi Nia hatudu Ninia domin no nia kuidadu ba o. ‘Nai Maromak nia domin no fidelidade nunka hotu! Nia grasa nunka para. Nia fidelidade boot; Nia grasa foun dader-ba-dader. Hau koalia ba hau nia aan rasik, “Nai mak hau nia Liman Rohan,” hatete hau nia klamar, “nunee hau sei hein no esperansa iha Nia.” Nai nee diak ba sira nebee hein iha Nia, ba klamar nebee buka Nia.’ (Lamentasaun 3:22-25) [HG]

Hahan ba Klamar: Atus 27-28, Lukas 9:28-36, Salmu 42:1-5, Proverbiu 16:16