Peter Robert, Embaxador Australia ba Timor Leste (Foto: Andre Gusmão/Ravoz).
Embaxador Australia ba Timor Leste Peter Robert iha okaziaun enkontru bilateral parseiru dezenvolvimentu iha salaun Institutu Estudus Diplomatiku Ministeriu Negosiu Estranjeirus Tersa semana ne’e ba jornalista sira hateten, importante ba governu Australia atu servisu hamutuk Timor Leste iha kooperasaun nasaun rua hodi asegura kualidade dezenvolvimentu Timor Leste. Kada tinan Governu Australia aloka orsamentu milhaun 80 dolares Americano ba dezenvolvimentu Timor Leste iha área saúde, agrikulura, edukasaun, infraestruturas, no estradas rural. Propriamente ba tinan 2021 ligadu ho impaktu husi pandemia corona virus no kalamidade inundasaun, governu Australia aloka suporta osan hamutuk milhaun 110 dolares Americano hodi tulun Timor Leste rekopera husi kondisaun aat atinjidu kalamidade inundasaun iha loron 4 de abril 2021, no ajuda Timor Leste hodi hatan hasoru pandemia corona virus, iklui suporta ba instalasaun laboratoiu nasional Timor Leste no fasilidades mitigasaun corona virus, no vasinasaun kontra hasoru corona virus. Peter Robert konfesa, governu Australia kontente tebes tanba governu Timor Leste bele implementa diak tulun orsamentu husi governu Australia ba dezenvolvimentu Timor Leste. [ag]