Manifestasaun antigovernamentais iha Havana iha situasaun pandemia COVID-19 iha Cuba (foto: doc).
EUA no nasaun 20 sira seluk iha Segunda (26/7) kondena Cuba tamba foti assaun makas hasoru manifestante rihun barak nebe ezizi liberdade. Washington husu Havana atu fo livre ba manifestante sira ne’e no hadia assesu internet iha nasaun ne’e.
“Loron ida ne’e, nasaun demokrasia iha mundu tomak hamutuk hodi apoio povu Cuba, no husu governasaun Cuba atu respeita demandas direitos humanos Cuba nian, “ hateten Ministru Estranjeiru EUA Antony Blinken iha nia deklarasaun.
Nia hateten governu Cuba, nebe prende ona manifestante atus resin, “ responde la rekonhese nia povu nia lian rasik, mais halo silensiu lian sira ne’e liu husi meios detensaun unilaterais no julgamentu sem garantia prosesu devidu.
“Ami husu governu Cuba atu bele rona ezizensia povu Cuba, dehan komunikadu conjuntu ne’e. “Sidadaun internasional sei la hamenus apoio ba povu Cuba no sira sei luta ba liberdade bazika nebe povu iha direitu atu hetan.”
Aleinde EUA, nasaun sira seluk nebe fo deklarasaun ne’e mak nasaun, Áustria, Brasil, Colômbia, Croácia, Chipre, República Tcheca, Equador, Estônia, Guatemala, Grécia, Honduras, Israel, Letônia, Lituânia, Kosovo, Montenegro, Macedônia do Norte, Polônia, Coreia do Sul e Ucrânia. [mf]