‘Ami nia kbiit mai husi Maromak. ‘2 Korintu 3:5

Konselheira Kristaun Dr. Ann Shorb hakerek: ‘kada dader hau hetan suplementus nutrisaun. Kada ida-idak iha buat ruma nebe hau presija, maibe laos ida deit naton hodi fornese ba buat hotu. Tuir mai iha suplementus espirituais nebe nia konsumu:

  1. Nia mate iha Kruz nia leten naton ona ba hau nia salvasaun: ‘Nia mos bele salva see deit mak buka Maromak liu husi Nia. Nia moris nafatin hodi harohan ba Nai Maromak atu tulun sira. ‘(Ebreu 7:25)

2. Nia forsa naton ba hau nia frakeza: ‘Nia fo forsa ba sira nebe fraku, no ba sira nebe la forte Nia aumenta sira nia poder. ‘(Isaias 40:29)

3. Nia autoridade naton ba hau nia luta: ‘Maromak fo tiha ona kbiit tomak mai Hau atu ukun buat hot-hotu iha lalehan ho rai. Tamba ne’e ba hanorin ema iha nasaun hot-hotu atu sira sai Hau nia eskolante. ‘(Mateus 28:18-19)

4. Nia poder naton hodi hadia hau nia moris: Nai mak tane ema hotu nebe monu, no Ajuda ema hotu nebe laiha forsa. ‘(Salmo 145:14)

5. Nia sabedoria no konhesimentu naton hodi diresiona hau: ‘Maibe Nia hatene dalan nebe hau lao liu, no bainhira Nia koko hau, nune’e hau sei sai hanesan osan mean. ‘(Job 23: 10)

6. Nia grasa naton ba hau nia presija hotu: “Hau nia laran diak naton ba o, tamba bainhira o fraku mak Hau hatudu momos Hau nia kbiit iha o. “(2 Korintu 12:9). [mf]

Hahan ba klamar: Deut 11–13, Lucas 10: 13–24, Sal 78: 17–31, Pr 16: 26–30