Seorang pemadam kebakaran mencoba memadamkan api kebakaran lahan dekat Marmaris, Turki, 1 Agustus 2021.Bombeiru ida tenta rega mate insendiu nebe akontese iha floresta besik Marmaris Turquia, 1 de agosto de 2021. 

Ema nain 8 konfirmadu mate kauza husi insendiu nebe liu 100 akontese iha Costa Sul Turquia nian. Bombeirus sira hetan ajuda mos husi aviaun helikopteru balun nebe tenta hamate ahi nebe ameasa fatin principal área turistika iha nasaun neba.

Rezidente no turista sira iha área turistiku Antalya no Mugla salva an hodi sae ró kiik sira. Hodi evakua sira nia an.

Klima nebe manas no anin maran iha Europa do Sul ida ne’e mos hamosu insendiu iha floresta Mediterania, inklui iha Sisilia, Itália e oeste da Grécia, hanesan mos rejiaun Aegea.

No entantu, Turquia mak afeita makas liu. parte Autoridade Turquia hateten maioria husi insendiu bele kontrola, maibe parte resort balun sei iha ameasadu nia laran. Ho temperatura nebe aumenta sae makas. Esforsu atu hamate ahi ne’e susar oituan.

Bombeirus nain rua mate iha Domingo (1/8), informa reportajem CNN nebe cita husi Ministério da Agricultura e Florestas. Ho nune’e numeru vitima nebe mate sai ema nain 8. Pelu menus ema 27 mak tratadu hela to’o Domingo (1/8), enkuantu sira seluk atus resin libertada ona, tuir Ministru Saúde Turquia, hateten relatório da Associated Press. [mf]

https://www.voaindonesia.com/a/delapan-orang-tewas-dalam-kebakaran-di-turki/5987412.html