‘Iha ne’ebá sei la iha tan terus, tamba buat sira uluk nian liu tiha ona.’ ~ Apokalipse 21:4 NKJV
Dave Dravecky mak lansadór husi ekipa baseball San Francisco Giants nian iha tinan 1980. Iha tinan 1988 doutór sira deskobre tumór ida iha nia liman ne’ebé mak nia uza hodi lansa bola, no iha tinan 1991 ninia liman tenkesér tesi sai tiha ka hetan amputasaun. Iha nia livru ida ho títulu Bainhira Ó Labele Fila Fali Ona, nia hakerek kona-ba ninia sentimentu lakon nian.
‘Ha’u saudades halo buat sira ho ha’u-nia liman rua rasik, no – klaru katak – ha’u saudades tebes baseball. Iha parte ida husi filme Field of Dreams (Área Mehi Nian) iha parte bainhira Shoeless Joe Jackson – ema ida husi jogadór na’in-ualu husi Chicago White Sox ne’ebé hetan bandu hodi labele halimar tan baseball tamba konspira ba lakon iha jogu World Series nian iha tinan 1919 – dehan, “Hetan soe sai husi baseball halo ha’u senti hanesan parte ida husi ha’u-nia an hetan amputasaun. Ha’u hadeer iha kalan bo’ot ho iis husi kampu baseball nian iha ha’u-nia inus no du’ut nia malirin iha ha’u-nia ain okos. Tebes, ha’u hadomi tebes desportu ida ne’e. Ha’u sei joga ba osan han nian… Ninia lian sira – ninia iis sira. Ha’u joga ba buat saugati.”’ Dravecky kontinua, ‘Parte ida ne’e husi filme ne’e iha efeitu ne’ebé mak forte tebes mai ha’u. Ha’u mós saudades sensasaun hirak ne’e hotu. Sentimentu hanesan hetan suku bainhira ó kaer bola foun ida iha ó-nia liman… lian husi bat ne’ebé mak harahun batida husi baze nian. Ha’u sei joga ba osan han nian. Ha’u sei joga ba buat saugati.’
Ita hela iha mundu ida ne’ebé mak monu, iha mundu ida ne’ebé ita lakon parte husi ita-nia isin-lolon no ita lakon ema ne’ebé mak ita hadomi. Maibé Lalehan sei selu fila fali ba buat hotu ne’ebé mak ita lakon tiha ona. Ita sei reúne fila fali hamutuk ho ita-nia ema sira ne’ebé mak ita hadomi ne’ebé mak redimidu (ka ditebus), no ita iha isin-lolon ne’ebé mak livre husi moras sira, husi terus sira no husi kualkér limitasaun sira. ‘Iha ne’ebá sei la iha tan terus, tamba buat sira uluk nian liu tiha ona.’ Iha loron ida ó sei hela iha ó-nia uma ne’ebé mak ó mehi!
Hahán Espiritual: Ezekiel 22-23 ; Lukas 19:41-48 ; Salmu 142 ; Provérbiu 19:21-23