‘Hakaas aan ba hodi halo diak ba malu.’ (1 Tesalonika 5:15)

Nai Jesus hanaran Espiritu Santu nudar ‘Ajudador’ (Joaun 15:26). Bainhira o hakruuk ba Nia, Nia sei ajuda o hodi halo diak ho ema sira nebee komplikadu iha o nia moris no ho maneira nebee loos. Apostolu Paulo Hakerek, ‘Labele halo triste Maromak nia Espiritu Santu. Tamba Maromak fo nia Espiritu nee ba imi hanesan marka ida hodi hatudu katak, imi nee Maromak nia ema. I Nia Espiritu mos halo imi laran metin katak Maromak sei salva imi bainhira mundu nee remata.’ (Efesus 4:30) Labele halo kanek ou taka dalan ba Maromak Nia Espiritu hodi halo servisu iha imi nia moris.

Dala ruma ita dehan, ‘Oinsa mak hau bele halo ida nee?’ Apostolu Paulo iha resposta, ‘Labele ona rai odio ba ema. Labele hirus. Labele tolok no hakilar ema. Labele istori malu. Labele hatete aat ema. I labele halo buat aat saida deit.’ (Efesus 4:31) Hirak nee mak lista attitude sira nebee ladun furak! I Paulo nia pontu sira mak nee; ou o husik o nia respostas ukun husi buat nebee la agrada, ou o husik o nia respostas atu ukun husi Espiritu Santu nebee hela iha o. Desizaun o mak hili.

Biblia hatete; ‘Se imi hirus, keta husik hirus nee lori imi ba sala, I labele rai hirus too loro-matan monu, atu nunee imi la fo oportunidade ba diabu.’ (Efesus 4:26-27) Bainhira o resposta ho hirus, o loke kuak ba diabu hodi tama iha o nia moris- bainhira iha kuak maka diabu sei uza oportunidade ida nee hodi dumina tan iha area seluk iha o nia moris. Kuandu ida nee akontese, o laos deit hasoru moras ida nebee mai husi ema komplikadu iha o nia moris, o mos sei involve aan ho moras ida nebee mai husi diabu tamba o loke kuak ba nia hodi book o nia moris. Tan nee, saida mak o sei halo?

Biblia hateten; ‘Maibe imi tenke hadomi malu, I halo diak ba malu. Imi tenke foo perdaun ba malu, hanesan mos Nai Maromak foo perdaun ona ba imi liu husi Kristu nia mate.’ (Efesus 4:32) atu dehan deit katak; hanoin konaba Domin, pasiensia, no grasa nebee Maromak hatudu ba o,…No habelar ida nee ba ema seluk. Ida nee mak estratezia nebee nunka falha! [HG]

Hahan ba Klamar: Deuteronomia 28-29, Lukas 11:29-44, Salmu 119:1-8, Proverbiu 17:3