Seguransa sira hein hela iha Institut Virologi Wuhan nia oin, durante vizita ekipa Organização Mundial da Saúde, hodi peskiza orijen COVID-19 iha Wuhan, Hubei, China, 3 de fevereiro de 2021. (Foto: Thomas Peter / Reuters)
Relatoriu ida husi Kongressista Republikanu EUA hateten “evidensia barak” nebe hatudu virus nebe hamosu pandemia COVID-19 vazandu (bocor) husi sentru peskiza China. Agensia intelejensia Estados Unidos (EUA) seidauk iha konkluzaun.
Relatoriu ne’e, divulga iha Segunda (2/8/21), mos cita “evidensia barak” katak cientistas Wuhan Institute of Virology (WIV), ajuda husi especialista EUA no fundus governu China no EUA – servisu hodi modifika virus corona hodi infektar umanu, no halo manipulasaun.
Mike McCaul, principal membro republicano da Câmara ba Representantes no Comitê Relações Exteriores da Câmara, divulga relatoriu husi ekipa painel Republikanu. Nia husu investigasaun bipartidária kona ba orijen pandemia virus corona COVID-19 nebe hamate ona ema milhaun 4,4 iha mundu tomak.
China nega katak virus corona geneticamente modificadu vazandu (bocor) husi fabrika Wuhan, fatin primeiru nebe mosu COVID-19 detekta iha 2019. Teoria referemosu, maibe seidauk comprovado (terbukti) mos husi especialistas balun. Beijing mos nega akuzasaun refere.
Especialista seluk mos deskonfia pandemia ne’e kauza husi virus animal nebe daet ba ema iha merkadu refere. [mf]