Ministru Finansas DR. Rui Gomes, (Foto: fontes google).
Ministru finansas DR. Rui Gomes hafoin halao enkontru ho Prezidenti da Republika iha Papalsiu Prezidenti Nicolau Lobato Sesta semana ne’e relata ba Prezidenti da Repúblika kona ba polítika investimentu fundu minarai nebe fahe ba segimentu rua ho naran karteira likidés hodi garante osan ba finansiamentu Estadu, no karteira kresementu hodi investe osan hosi likidés ba asoins sira. Ba jornalista sira ministru esplika, segimentasaun fundu importante tanba iha realitas levantamentu fundus nebe governu halo duranti ne’e ultrapasa rendementu sustentavel estimadu ka foti liu 5% husi autorizasaun lei nebe fo dalan foti 3% deit.
Rui esplika, sai problema prinsipal ida ba nasaun tanba levantamentu fundu liu rendementu sustentavel istimadu tau risku bo’ot ba fundu nasaun hotu iha dékada tinan sanulu-resin-ida nia laran. Problema ida seluk nebe tuir Ministru Finansas maka reseitas fundus petrolíferus mos komesa monu dadaun.
Enkuantu reseitas hosi Bayu Undang nebe sei bele aguenta tan tinan tolu maibe osan nebe sei hetan aserka de millioins-tolu dolares Americano deit. No se wainhira dezenvolvimentu greater sunrise seidauk lao maka nasaun sei iha deit osan aserka de millioin-tolu dolares America hosi restu produsaun bayu undang. Ministru finansas Rui Gomes simu orientasaun hosi Prezidenti da Republika atu aplika diversifikasaun ekonómika hodi garante sustentabilidade ekonómia nasaun ba futuru. [ag]