‘Nia la ameasa atu halo aat fali sira. ‘1 Pedro 2:23b
Laiha ema ida hanesan Jesus nebe bele hasoru ema nebe komplikadu. Herodes goza Nia, Pilatus fasi tiha liman, lideransa religiozu sira koko manipula Nia, Nia familia hanoin Nia bulak ona, povu sira iha sidade neba tuda nia ho fatuk, Tomé duvida ho Nia, Judas trai Nia, soldadus sira baku Nia. Ema sira hakilar hodi hedi Nia ba kruz, no até ema nebe tuir Nia hotu halai sees husi Nia. Maibe Jesus nunka halo orasaun atu Nai Maromak hases tia ema komplikadu sira ne’e husi Nia moris.
Dalaruma ita utiliza orasaun sala, hanesan maneira hodi halakon ema ida husi ita nia moris, ita halo orasaun so para husu atu Maromak fo susar ka kastigu ba ita nia maluk, tamba ita lakohi hasoru ema sira ne’e iha ita nia moris. No se karik Maromak hatan dunik ita nia orasaun ida ita hakarak, ita sei lakon oportunidade hodi buras iha vida espiritual hanesan saida mak Maromak hakarak ba ita. Jesus nia hanorin kona ba halao relasaun ho ema nebe komplikadu atu, ida ne’e hanesan Jesus nia experensia nebe iha, Nia hasoru ema sira nebe hakanek Nia. Sira influensia lideransa sira, no movimentu mundiais, ho liafuan seluk nebe temi ona husi Mahatma Gandhi to’o Martin luther King Jr, inklui Nelson Mandela.
Pedro hakerek, ‘Maibe se imi hetan terus tamba halo buat diak, imi aguenta ba, ida ne’e mak Maromak simu ho laran haksolok. Maromak bolu imi para moris nune’e, tamba Kristu mos terus ba imi. Nunee Nia sai ezemplu atu imi lao tuir Nia ain fatin. Iha Livru Sagradu hakerek nunee, Nia nunka halo sala, liafuan bosok nunka sai husi Nia ibun. Bainhira ema tolok Nia, Nia la kontra hasoru, Bainhira ema halo Nia terus, Nia la ameasa atu halo aat fali sira. Maibe Nia entrega Nia Aan ba Nai Maromak nia liman, tamba Maromak mak tesi lia ho loloos.’ (1 Pedro 2:20-23)
No Maromak bolu o atu o bele tuir Nia ezemplu!
Hahan ba Klamar: Dt 32: 29–34: 12, Lucas 12: 1–12, Sal 119: 17–24, Pr 17: 7–10