‘Maromak dehan, ‘Hau mak iha direitu atu vinga ema, I Hau mak bele foo Kastigu ba ema nebe halo aat ba imi. ‘Roma 12:19b
Jesus dehan, ‘Imi rona ona lei nebee dehan, se ema ruma halo aat o nia matan, o tenki halo aat fali nia matan, se ema ruma harahun o nia nehan, o tenki harahun fali nia nehan. Maibe Hau hateten ba imi: labele halo aat ba ema nebee halo aat ba imi. Se ema ruma basa imi nia hasan sorin loos, fo tan hasan sorin karuk ba nia.’ (Mateus 5:38-39) no iha tempu agora ema sei aplika lei hanesan ne’e iha sira nia moris.
No ida ne’e hamosu problema iha ita nia leet. Ita nia instinto (naluri) hateten se ema ruma hakanek ita, ita mos tenki hakanek fali. No kanek nebe o senti o sempre Hanoin katak o nia fuan moras ne’e aat liu kanek nebe o husik iha ema nia fuan.
Iha experiment ida, grupu ida ema nain rua, no sira tau sira nia liman fuan ba sira nia maluk nia liman hodi hanehan makas. Bainhira to’o sira nia tempu atu hanehan fali nia maluk nia liman, sira senti moras liu fali duke ema hanehan sira nia liman.
No ita dehan, ‘Maibe ema ne’e hakanek ona hau, entaun nia tenki selu/kasu mai hau.’ Hira mak sira tenki selu? So Maromak deit mak bele hatan ba perguntas sira ne’e ho justu! No Nia liafuan hateten: ‘ Labele vingansa (balas dendam), maluk doben sira, labele halo aat ba ema nebe halo aat imi. Husik atu Maromak mak tesi sira nia lia. Tanba iha livru sagradu hakerek ona: Hau mak iha direitu atu vinga ema, I Hau mak bele fo kastigu ba ema nebe halo aat imi.” Maromak dehan pelu kontrariu: “Se o nia inimigu hamlaha, fo hahan ba nia, se nia hamrook, fo nia hemu. Se o halo nunee, mak nia sei moe no mos respeitu imi. Entaun keta husi buat aat manan imi. ‘ (Roma 12:19-21).
Hahan ba klamar: Ester 4: 13–5: 3, Mateus 6: 16–21, Marcos 2: 18–22