Ministra Solidaridade Sosial no Inkluzaun, Prezidenti Komisaun Interministerial, Armanda Berta (Foto fontes: google)
Vice Primeiru Ministru, Ministra Solidaridade Sosial no Inkluzaun, mos Prezidenti Komisaun Interministerial Armanda Berta iha Palasiu Governu Tersa semana ne’e ba jornalista sira hateten,
Governu hare hela medidas oinsa atu lori nasaun lao fali ba diresaun normalidade hanesan molok akontese pandemia Covid-19, sasukat ida sai rekejitus maka atinjimentu persentazen 70% vasinasaun populasaun.
Governu mos estuda hela medidas ekonómika nebe posivel bele aplika wainhira nasaun fila fali ba situasaun normal. Maske nune’e, Governu nafatin konsidera nudar esepsional ba munisipiu balun hanesan Ermera nafatin aplika konfinamentu obrigatoriu tuir situasaun atual eskalasaun Covid-19 no variante Delta-19 hanesan akontese iha munisipiu Ermera.
Hatan pergunta kona ba ezekusaun orsamentu Ministeriu Solidaridade Sosial no inkluzaun Armanda Berta esplika, implementasaun orsamentu jeral estadu tinan 2021 Ministeriu Solidaridade Sosial no inkluzaun nian atinji ona 46%. Armanda Berta fiar ezekusaun orsamentu Ministeriu Solidaridade sei lao diak tanba karater orsamentu halai liu ba ajudus sosial umanitaria. [ag]