Nai Maromak salva imi liu husi Nia grasa deit, bainhira imi fiar iha Kristu. ‘Efezu 2:8

Iha sentindu lolos, iha oan nain rua nebe lakon, sira rua cresce iha kultura, relijiaun nebe hanesan.

Atensaun mos ba kobrador impostu ida no ema sala nain ida nebe besik ba Nia no rona Nia. I ema farizeu no mestre relijiaun sira komesa mur-mura, no dehan, “Ema ne’e halo belun fali ho ema sira nebee moris iha sala, i tur han hamutuk fali ho sira. Depois Jesus fo hanoin ba sira liu husi komparasaun ida dehan. ‘(Luca 15:1-3)

Iha ne’e Jesus koalia ba grupu rua nebe la hanesan:

(1) kontra regras hanesan oan nebe lakon, nebe hatene katak so liu husi Maromak nia grasa deit mak ita bele hetan salvasaun.

(2) guarda regras hanesan nia maun, nebe hanoin katak sira bele hetan ou fo kontribuisaun ba salvasaun bainhira halo deit hahalok diak. Ida ne’e halo ida nebe mantein regras sei julga ba ida kontra regras ne’e.

Istoria konta katak nia maun lakohi atu partisipa iha festa nia alin nian. Tamba sa? Bazikamente: ‘Apaa, hanoin took! Durante tinan barak nia laran hau servisu hanesan fali atan ba apaa, I apaa haruka hau halo saida deit, hau sempre halo tuir. Ida ne’e lalos no la justu. (hare Lucas 15:29) familiar ga lae?

Ida ne’e mak aman ne’e hatan ba nia: ‘Hau nia oan doben, durante ne’e o sempre hela hamutuk ho hau. Buat hot-hotu nebe hau nian, o nian. ‘(Lucas 15:31) atensaun ba liafuan ‘oan’. Jesus hanorin katak ita salva liu husi ‘Relasionamentu’ laos ‘kumpri regras’. Nia maun ida ne’e hanoin katak aseitasaun nia aman nia depende ba buat diak nebe nia halo ona. Sim, iha fatin iha lalehan hodi ita hatudu. Rekompensa iha lalehan bazeia ba ita nia servisu iha mundu ida ne’e.

Maibe o nia redenção depende ba Kristu deit: Nai Maromak salva imi liu husi Nia grasa deit, bainhira imi fiar ba Kristu. Nia halo nune’e, laos tanba imi merese. Salvasaun ne’e, Maromak mak foo deit , laos tamba imi nia hahalok diak. Entaun imi labele gaba aan. (Efezu 2:8-9). Sim Maromak sei dezafia ita, kastigu no purifika. Maibe Maromak salva ita liu husi Nia grasa deit. [mf]

Hahan Espritual: Obadias, 2 Jo, Lucas 12: 22–34, Sal 119: 33–40, Pr 17:16