‘Hau haluha tiha buat nebee iha hau nia kotuk hodi halai makaas ba oin. Hau hakaas aan ba oin nafatin too rohan para manaan premiu. Hau nia premiu mak nee: Nai Maromak bolu hau tama iha lalehan, tamba Kristu Jesus mate mai hau.’ (Filipe 3:13-14)

Kuanto mais ema halo sala barak liutan ba o, mais difisil ba o hodi fo perdaun- maibe o tenke fo perdaun. Tamba buat nebee mak o rezeita hodi fo perdaun no husik, ida nee mak sei fo todan ba o nai moris. No ida nee sei sai hanesan ai-kabelak ida nebee tara iha o nia kakorok.

Iha kalae ema nebee fo terus ba o? serake o rasik falha ona? Serake o husu, ‘Oinsa mak hau bele resolve hau nia falha iha tempu passado no sai susesu fali? Moras saida deit nebee o senti nia solusaun sei labele fo han no nega nia. O tenke fo perdaun no husik nia. Ou o sei nafatin fo terus ba o nia aan rasik.

Dalabarak ita hanoin katak bainhira ita la fo perdaun ba ema nee hanesa ita fo venenu ba ema no hakarak nia mate lalais. Se o hakarak avansa ba oin, o tenke ‘husik’ no hadame malu ho o nia passadu. Paulos ho lalais tebes haluha ema krisatun sira nebee nia oho bainhira nia sedauk hasoru malu ho Jesus hodi estraga sira no harahun sira nia moris. Maibe nia rezeita hodi halo ida nee.

Pelo kontrario, nia hakerek nunee; Maun alin doben sira, hau la hanoin katak hau too ona objetivu nee. Maibe buat nebee hau halo mak nee: Hau haluha tiha buat nebee iha hau nia kotuk hodi halai makaas ba oin. Hau hakaas aan ba oin nafatin too rohan para manaan premiu. Hau nia premiu mak nee: Nai Maromak bolu hau tama iha lalehan, tamba Kristu Jesus mate mai hau. (Filipe 3:13-14) no Iha Maromak nia liafuan santu ida tan; ‘Maibe se imi harohan, I imi hirus hela ema ruma, imi tenke ba diak malu tiha lai hoe ma nee. Nunee foin Nai Maromak iha lalehan mos diak hoi mi, I sei hamoos imi nia sala.’ (Markus 11:25)

Tan nee, liafuan ba o Loron ohin nian mak; ‘Fo Perdaun no Haluha ou Husik.’ [HG]

Hahan ba Klamar: Rut 1-4, Lukas 12:35-48, Salmu 119:41-48, Proverbiu 17:17