Kazu ema ida nebe mate tamba virus Marbug nebe hanesan ho Ebola- nebe deskobre iha Guinea (foto: dok).
Organizasaun Mundial Saúde (OMS) Tersa-feira (10/8/21) hateten iha ema nainn 4 nebe halo kontaktu fiziku ho mane ida nebe mate tamba virus Marbug- virus ida nebe hanesan ho Ebola iha Guinea, bainhira OMS haruka nia staff balun ba iha nasaun África Ocidental hodi ajuda autoridade hapara surtu pandemia.
Porta-voz OMS Fadela Chaib hateten kazu nebe relatadu iha Segunda-feira (9/8/21) ne’e hanesan primeira kazu nebe akontese iha África Ocidental, rejiaun nebe uluk kona Ebola nebe terrível (mengerikan) entre tinan 204-2016 no hamate ema kuaze 11.325.
Chaib hateten parte autoridade esforsu hela buka mane nain 4 nebe antes ne’e vizita fasilidade saúde antes mane ne’e mate.
“Ema nain 4 mak halo ona kontatu, mas seidauk hatudu sintoma ida. Sira seidauk hatudu moras ida ne’e, “nia hateten.
Chaib hateten staff OMS nain 10 mak halo hela rastreamento (pelacakan) kontatu iha Guinea.
Virus Marbug mai husi grupu birus nebe hanesan ho Ebola, nebe antes nebe afetadu ona iha parte África nian, inklui Angola, Congo, Quênia, África do Sul no Uganda.
Sintomas Marbug nian mak isin manas, isin moras hotu, no pasiente balun mos ran sai husi matan no tilun.
Seidauk iha aimoruk ka vasina nebe aprovada ba virus Marbug, maibe reidratasaun no apoio servisu seluk nebe aumenta oportunudade pasiente atu kontinua moris. [mf]
https://www.voaindonesia.com/a/who-ingatkan-virus-marburg-yang-mirip-ebola/5997966.html