‘Ema hotu nebee moras ho antuzias hadau malu atu kona Jesus.’ (Markus 3:10)
Nain Jesus kura feto ida nebee sofre moras tinan 12 ona, komunidade hanaran problema ‘Ran fakar.’ (Lukas 8:44) Doutor barak mos labele kura feto nee. Atensaun didiak oinsa mak milagre ida nee bele akontese. Nia sena malu iha ema barak nia leet, ‘Nia kona Jesus nia hena ronan.’ (Mateus 9:20) no iha momentu nebaa kedas nia hetan kura. Hahu iha tempu nebaa ema komesa halo komentariu barak konaba nia no tendensia mos hahu mosu.
Iha kapitulu haat tuir fali ita komesa hare katak, ‘ema hahu lori ema moras barak ba too iha Jesus… Atu nunee sira hodi kona deit Nia hena rohan sira bele hetan kura. No ema hotu nebee kona Jesus hetan kura kedas.’ (Mateus 14:35-36) Karik o hasoru dadaun moras ruma ou visius ruma iha loron ida nee, hakaas aan ba no kona Jesus. nafatin halo orasaun no fiar iha Nia liafuan. Simu kura ba!
Iha diferensia entre Faktus no Lia-loos. Faktus mak, karik Prognosis (mediku sira dehan) o sei la hetan kura. Maibe realidade hatudu katak, ‘Orasaun nebee ho Fee sei salva ema moras, no Nai Maromak sei fo kura no fohader sira.’ (Tiago 5:15)
Dala ruma ita Hanoin, ‘Hau konhese ema sira nebee halo orasaun husu kura maibe la hetan kura.’ Loos, se kuandu sira fiar ba Kristu nuudar sira nia Salvador, nunee sira sei hetan kura definitive: ‘Ba no hamutuk ho Jesus, ida nee mak dalan diak liu.’ (Filipe 1:23) Bainhira tempu too hodi ita baa, ita hotu mate tamba buat ruma. Too iha tempu nebaa, Maromak nia liafuan fohatene mai ita katak kabas nebee mak lori kruz no hamos ita nia sala hotu, lori ita nia hahalok aat hotu I kura ita nia moras hotu.
‘Jesus fo orden deit, eeespiritu aat sira nee sai kedas. Nia mos kura ema hotu nebee moras. Nunee Nia kumpri saida mak Maromak nia profeta Isaias hakerek nanis ona dehan, “Nia rasik mak lori ita nia frakeza. No Nia rasik mak lori ita nia moras.” (Mateus 8:16-17) [HG]
Hahan ba Klamar: Juizes 4-6, Lukas 13:1-17, Salmu 119:57-64, Proverbiu 17:22