Policia hetan feto nain rua ho oan nain haat mate iha rai fuik maran Sahara, deskonfia tamba hamrook. Ilustrasaun (Unsplash/Luca Zanon).
Jakarta, CNN Indonesia – Mate isin nain neen sidadaun Nigeria hetan iha rai fuik Sahara, sudoeste Tunísia, iha Kuarta (11/8/21) kalan.
“Feto nain rua ho oan nain 4 hetan ho kondisaun mate ona iha Kuarta kalan iha Sahara, “hateten autoridade lokal ida nebe lakohi fo sai nia naran, cita husi AFP.
Polisia deskonfia sira mate tamba hamrook.
Mate isin hetan so kilometre rua husi fronteira Aljazair besik sidade Tozeur, Tunísia.
Sidadaun ida nebe konsege salva, husi grupu Imigrante ne’e hateten sira lao ain husi Aljazair, bainhira rai manas makas iha fatin refere. Nia konsege moris bainhira buka be’e mesmu lao sala dalan.
Aljair semana ne’e hasoru mos insendiu makas nebe hamate ona ema 69.
Informasaun mos katak, Tunísia sai hanesan pontu importante ba imigrante barak husi África sub-Sahara. Ema sira liu husi kontinente neba hodi koko atravessa ba tasi perigu hodi bele ba to’o iha Europa. [mf]