‘Nai mak diak, Nia mak fatin seguru iha tempu susar, no Nia konhese sira nebee fiar iha Nia.’ (Naum 1:7)

Iha momentu nebee Louisa Stead ho ninia familia enjoi hela sira nia caminhada iha tasi ibun, nia hare jovem ida nebee luta hela hasoru laloran tasi nian. Bainhira senhor Stead hakarak ajuda, maibe labartik taukten ida nee dada fali nia ba tasi klaran. Nia mout no Louisa so hare deit akontesementu ida nee I la iha forsa husi tasi ibun.

Akontese tuir fali mai mak Periodu Triste no hamlaha nian ida nebee boot. Loron ida, bainhira nia la iha osan no hahan, Louisa sai ba liur I hetan sesta ida nebee nakonu ho hahan no osan. Nia hakerek ninia diariu hodi dehan, ‘Furak tebes bainhira tau fiar ba Maromak, so deit fiar ba Nia liafuan, so deit sadere ba Nia promesas, so deit atu hatene konaba Nia.’  Ida nee mak Maromak nia Liafuan, ‘Hau haksolok tebtebes hodi aprende atu fiar ba O Nai, Jesus mak  folin  boot liu, Salvador, belun; no Hau hatene katak O hamutuk ho hau, no sei hamutuk nafatin ho hau too rohan laek.’ Liu husi fiar ba Jesus, Louisa sai misionaria hodi ba iha Afrika dala rua, iha nebee nia servi ba Maromak durante tinan 25.

Karik o esforsu aan hodi fiar ba maromak iha loron ida nee, Hamriik ba iha Livru Santu ida nee;

  1. ‘Nai mak diak, Nia mak fatin seguru iha tempu susar, no Nia konhese sira nebee fiar iha Nia.’

 

  1. ‘O mak kuidadu ema sira nebee iha paz loos nebee hanoin nafatin ba O, tamba nia fiar ba O.’ (Isaias 26:3)

 

  1. ‘Maromak nia dalan nee perfeitu; Nai nia liafuan nee moos; Nia mak eskudu ba ema hotu nebee fiar iha Nia.’ (2 Samuel 22:31)

 

  1. ‘Oh, oinsa O nia laran diak mak luan tebes, no O haloot ona laran diak ba sira nebee hamtauk ba O, no O hatudu ba sira nebee fiar ba O, iha ema hotu nia oin!’ (Salmu 31:19)

[HG]

Hahan ba Klamar: Juizes 7:1-9:33, Lukas 13:18-35, Salmu 119:65-72, Proverbiu 17:23-26