Governador Gavin Newsom, observa hela vasina Pfizer-BioNTech COVID-19 nebe prepara hela husi Diretor Internação Farmácia David Cheng, iha Kaiser Permanente Los Angeles Medical Center, iha Los Angeles, Califórnia, 14 de Dezembro de 2020. (Foto: AFP)
Governador California Gavin Newsom, Kuarta (11/8/21), hateten nasaun refere sei ezizi professors hotu atu simu vasina ka tenki halo teste Covid-19 kada semana. California mak uniku nasaun nebe aplika regras refere.
“Ami hanoin ida ne’e buat diak nebe ami halo. Ida ne’e hanesan forma ida hodi kontinua manter eskola atu nafatin operasional , no bele responde ba inan aman sia nia preokupasaun, hanesan mos hau nebe iha oan sei kiik, “hateten Newsom.
Newsom hasai regras ne’e tamba eskola iha distritu bo’ot California nia aplika ona regulamentu nebe hanesan, bainhira variante Delta mosu iha nasaun Amerika nian.
Rencentemente, Newsom mos fo ordem ba profissionais saude sira atu simu vasina. Sira laiha opsaun hodi halo teste. Funsionariu governu mos tenki halo vasina ou halo teste kada semana.
Enkuantu ne’e, desijaun rua husi judisiais nebe ketak-ketak iha Texas fo ona lisensa ba autoridade lokal atu fo ordem ida nebe tenki uza maskara. Ida ne’e kontrariu ho ordem governador texas Greg Abbott nebe bandu governu lokal hodi publika inisiativu hanesan ne’e. [mf]