‘Tamba o mak iha valor iha Hau nia matan, Hau fo onra ba o, no Hau hadomi O. ‘Isaias 43:4

Jesus hasoru rezeitasaun: ‘Maske Nia mai ba nia ema rasik, maibe sira la simu Nia.’ (João 1:11) Maibe Nia la tur iha neba hodi murmura ho Nia kanek sira ne’e; Nia muda ba fatin nebe mak ema sira ho fuan haksolok simu Nia. Nia fo hatene nia discipulus sira, ‘Se imi ba iha uma id aka aldeia ida I ema la simu imi ka lakohi rona imi nia liafuan, husik tiha fatin ne’e, imi baku rai rahun husi imi nia ain okos nudar sinal katak sira rasik mak sei lori todan.’ (Mateus 10:14).

Rezeitasaun nebe repete bebeik haforsa ita nia tauk. Buat ne’e akontese mos bainhira ligasaun ho ema sira nebe ita valoriza ne’e nia opiniaun. Bainhira ema percebe katak ita konsidera ita nia an kraik liu. sira sei trata ita bazeia ba ita nia hanoin ne’e. Ita hanorin ema oinsa valoriza ita hanesan ita valoriza ita nia an. Se karik ita nunka fo sai preferensia, limitasaun kona ba oinsa ema bele intereksaun ho ita, sira sei konsidera ita laiha ida ne’e, no sira sei hatudu hahalok hanesan ba ita.

Observa, mesmu Jesus hetan rezeitasaun, Nia nunka atende ho maneira ida nebe dudu atu ema kontinua rezeita. Nia la hela iha fatin nebe laiha toleransia, Nia ba iha fatin nebe ema selebra Nia. Ho liafuan seluk, Nia ba iha fatin nebe ema konhse Nia no simu Nia an, Nia objetivu, no Nia poder. Nia simu aseitasaun total husi Maromak; tamba ne’e Nia la tauk ema nia rezeitasaun.

No ita mos simu aseitasaun husi Maromak. ‘O folin boot no onra iha Hau nia matan… no Hau hadomi o.

Passu primeiru atu rezolve rezeitasaun mak hanoin Maromak nian opiniaun kona ba ita kada loron. [mf]

Hahan Espiritual: Juízes 16: 1–19: 15, Lucas 14: 25–35, Sal 119: 89–96, Pr 18: 1–5