‘Hau hahi O, tamba O halo hau especial no furak, O nia servisu mak furak tebes, no hau nia klamar hatene duni ida ne’e. ‘ Salmu139:14.
Hodi rezolve sentimentu tauk ba rezeitasaun, ita tenki fiar dunik katak Maromak forma ita fizikamente, intelektual, no temperamentalmente, no fo ita servisu nebe ema seluk labele kumpri. Hatun aan bele hare hanesan haraik aa, maibe lolos ida ne’e hanesan orgulhu ida tamba hamosu rezeitasaun no planu Maromak nian ba ita. Entaun komesa deklara ho makaas ho salmista: ‘O hare hau nia isin, bainhira O forma hau iha fatin segredu, bainhira O soru hau ho kor oi-oin iha rai klean liu. O nia matan haree ona hau nia isin nebe seidauk forma. Loron hotu nebe O halo mai hau, O hakerek ona iha O nia livru loron hotu nebe hau atu hetan, molok loron ida deit ne’e akontese. Oh Maromak, O nia hanoin sira iha valor makaas mai hau, no hanoin sira ne’e mak barak teb-tebes.’ (Salmu 139:14-17).
Husi nebee mak o hetan ideia katak o ladun folin? Seraque ida ne’e hahu husi o nia familia, pastor nebe fo malisan, professor nebe laiha matenek, ka kolega klasse nebe aat, ou doben nebe kasar ho liafuan, hanoin didiak katak diabu mak ‘aman ba bosokten’. (João 8:44) Nia uza ema ruma atu habosok ita kona ba ita nia potensial.
Entaun ita tenki rezeita ida ne’e, keta husik diabu uza ema seluk atu hakanek ita ka hatun ita! O nia moris iha folin bo’ot ba Maromak. Uza o nia moris hodi bele hahi ba Nia naran!
Hahan Espiritual: Juízes 19: 16–21: 25, Lucas 15: 1–10, Sal 119: 97–104, Pr 18: 6–8