“Nia hare katak ninia produsaun mak hetan funan diak. “Provérbiu 31:18
Falha nebe ita halo karik bo’ot, aat los, no ita repete bebeik. Maibe sira la muda Maromak nia hanoin kona ba ita. “Hau hadomi o ho domin nebee rohan laek; Nunee Hau dada o ho Hau nia laran diak. Hau sei harii fali o, nunee o sei iha fali.’ (Jeremia 31:3-4) Sim, Maromak koriji o bainhira o presija Nia. Maibe Nia koriji ne’e laos rezeitasaun, ida ne’e evidensia katak Nia hadomi. ‘Tamba Maromak koriji ema nebee mak Nia hadomi.’ (Ebreu 12:6)
Objetivu Maromak nian iha disciplina mak atu dezenvolve ita potensia nebe aas. Entaun keta husik ema hatun ita. Sai o nia aan rasik bainhira o hamutuk ho ema seluk. Fokus ba saida mak o tenki fo, laos oinsa ema seluk hare o.
Se o nia objetivu moris atu agrada (halo kontenti) ema hotu nia fuan no halo sira atu koalia buat diak kona o, o nia dignidade sei sempre bazeia deit ba sira nia hanoin kona ba o.
Salomão descreve kualidade feto ida nebe virtuoza. Hanesan tuir mai: “Nia sentu katak nia merkadoria ne’e diak.” Feto ne’e la foti aan, nia so konfia deit se mak Maromak kria ba nia no responsavel nebe Maromak fo nia. Konfiansa ne’e mai husi laran, laos liur. Salomão termin kapitulu ne’e ho liafuan ida ne’e: “Fo fali ba nia produsaun nebee mai husi liman, no husik ninia hahalok hahii nia iha sidade nia portaun.” (Provérbiu 31:31).
Hahan Espiritual: Gal 1-3, Lucas 15: 11-32, Sal 119: 105-112, Pr 18: 9