‘Ita nia hakarak mak nee: atu halo haksolok ita nia Nai nia laran.’’ (2 Korintus 5:9)

Apostolu Paulo hakerek: ita halo ida nee ho objetivu atu haksolok ita nia Nai nia laran… Tamba aban-bainrua ita hotu sei hamriik iha Kristu nia oin para Nia tesi ita nia lia. I ita ida-idak nia hahalok iha mundu ida nee atu di aka aat, ita sei simu tuir ida nee. (2 Korintus 5:9-10) Sekarik o nia objetivu mak atu halo haksolok ema nia laran, o sei arrepende iha loron ikus. Iha tempu nebee o para hodi halo haksolok aira, iha momentu nebaa mak sira sei kritika ba o ou sir abele husik hela o. Aumenta tan, sira sei la hamriik iha o nia sorin bainhira o hamriik iha Nai nia oin hodi halo evaluasaun no simu kolen!

Lolos mak, o laos simu servisu hodi halo ba ema hotu! Tan nee iha momentu nebee o simu servisu husi Maromak, o tenke husu uluk lai, ‘Ba se loos mak hau atu servi? Iha kalan ida, Maromak koalia ho apostolu Paulo liu husi vizaun ida: Labele tauk! Koalia nafatin. Labele nonok. Tamba Hau hamutuk ho o, no la iha ema ida nebee sei ataka no hakanek o, tamba Hau nia ema barak iha sidade ida nee. ‘Tan nee, Paulos hela iha Korintius durante tinan ida ho balun, hodi hanorin povu sira iha nebaa konaba Maromak nia liafuan.’ (Atus 18:9-11) Ba see loos mak Maromak haruka o?

Exemplu ida husi ai-horis ida, nia so bele buras bainhira kuda iha rai nebee diak. Nunee mos o, o so bele susesu iha fatin nebee Maromak haruka o ba. Apostolu Pedru koalia diak teb-tebes ba ema Judeu sira. Iha fatin seluk, Apostolu Paulo hakerek, “Nai…deside atu hatudu Nia Oan Jesus mai hau. Bainhira hau sei iha hau nia inan nia kabun laran, Nia hatudu ona Nia grasa mai hau hodi hili hau atu ba foo sai Novidade diak konaba Jesus ba ema nebee laos Judeu. Bainhira Nia hatudu Nia Oan mai hau, hau la ba husu ema seluk nia hanoin.” (Galatia 1:15-16)

O presiza hadomi ema seluk, no rona ba ema nebee lo-loos. Maibe se ligasaun ho o nia chamadu- o tenke simu orden husi Maromak! Nunee baa iha fatin nebee Nia haruka o atu baa, no fiar baa tamba Nia sei kuidadu o. [HG]

Hahan Espiritual: Lamentasaun 1:1-3:29, Lukas 16:19-31, Salmu 119:121-128, Proverbiu 18:13-20