Mane Afganistaun ida lori be’e kaixa iha kompleksu refujiadus iha Doha, Sábadu, 20 de Agosto de 2021.
Sidadaun Afganistaun nebe halai husi Taliban no refujiadu ba rai liur iha semana ida ne’e, expressa sira nia terus tamba husik hela sira nia familia no ema nebe besik ho sira. Sira mos preokupa ba sira nia futuru nebe laiha serteza.
Taliban nebe manan hamosu konflitus no tenki halo evakuasaun massa sidadaun Afganistaun no sidadaun estranjeiru, nebe tauk retaliasaun no halo intrepretasaun nebe prejudika lei Islamiku nebe forte.
“Difisil tebes atu husik hela hau nia nasaun, “hateten sidadaun feto ida Reuters iha Doha, Qatar. “Hau hadomi hau nia nasaun.”
Nia hateten molok to’o iha Taliban, nia nunka hanoin atu ba fatin seluk.
Feto ne’e hateten nia halai ho nia laen no oan nain tolu, tamba tauk nia servisu nebe hamutuk ho organizaasaun umanitaria internasional bele sai alvo ba Taliban.
Husi sidadaun atus barak nebe hela iha fatin temporariu ne’e, feto ne’e nebe hetan vizita husi Reuters.
Governu Qatar hospedando (menampung) temporaria milhares refujiadus, to’o sira bele tama iha nasaun terseiru. [mf]