‘Halai sees husi buat aat balu nebee foin sae sira gosta halo. Hakaas aan atu moris loos.’ (2 Timoteu 2:22)

Biblia hatudu senariu mai ita: ‘O mak ema nebee hau buka hela! Hau sai hodi buka hela o, I o mak iha nee hela! Hau nia kama nakonu ho… kolsa husi egipto nebee ho kor oi-oin… mai ita hemu bee domin nian too dader. Mai ita aproveita karisias ba malu, tamba hau nia kaben mane/laen nia la iha uma. Nia halao viazem dook… nia sei fila depois ke fulan nee remata’… Nia tuir kedas, hanesan bibi malae nebee atu ba halo sakrifisiu… Hanesan bibi rusa nebee tama iha lasu, so hein deit rama ambon ida nebee sei mai no tama borus ninia fuan… Hanesan Manu lin ida nebee tama iha armadilha, no lahetene katak lasu ida nee sei hasai nia vida.’ (Proverbiu 7:15-23)

Iha Sosiedade balun agora nee sira hanaran “Halo belun hodi buka benefisio.” Maibe MAroak nia livru santu hatudu katak tentasaun sexsual nee laos buat ida nebee foun ona iha gerasaun agora nee. Sempre iha tentasaun ida nebee forti hodi tenta atu hetan haksolok husi intimidade sexual nee rasik no la iha kompromisu ou preokupa konaba ema seluk nia moris, hakarak buka daik ba nia aan rasik no fo haksolok ba nia gusto rasik. Espesialista barak fo ona evidensia katak sempre remata ho maneira ida nebee hanesan: sente kulpadu, depresaun, no moris sai aat liutan.

Salomaun husu ho hakraikan; ‘Agora rona hau… oh, oan sira… No rona didiak bah au nia liafuan sira nebee sai husi hau nia ibun… Labele husik o nia fuan laran fila ba feto aat nia dalan, labele lao sala ba ninia dalan. Tamba nia hatuun ona vitamin barak, no nia oho ona ema barak loos. Ninia uma mak iha dalan ba inferno, nebee tuun ba mate fatin.’ (Proverbiu 7:24-27)

Liafuan seluk mak: hadook aan husi dalan perigu nian, molok o ukun o nia aan rasik! [HG]

Hahan ba Klamar: Lamentasaun 3:40-5:22, Lukas 17:1-10, Salmu 119:129-136, Proverbiu 18:21