Primeiru Ministru RDTL Jeneral Taur matan Ruak.
Primeiru Ministru RDTL Jeneral Taur matan Ruak, Sabadu semana kotuk halao konferensia retiru entre sosiedade sivil ho guvernu iha Wabitai postu administrativu Quelicai – Baguia munisipiu Baucau. Nudar parte ida hosi programa retiru nasional iha Wabiti iha loron Dumingo semana kotuk Primeiru Ministru halao vizita hodi hare rekursu bé-tuda iha Salaira Wabitai. Wianhira fo entrevista ba jornalista sira Primeiru Ministru hateten, moris diak ba povu maka povu tenke moris saudavel ho vida naruk. Realidade iha Nasaun hatudu ke povu sei moris iha kondisaun mal nutrisaun ho númeru ás tebes. Atu povu moris diak povu tenke iha matenek ka kuinesementu hodi hadia moris rasik ho kualidade diak maibe ho rendimentu ekonomika nebe tenke diak mos husi kampo servisu nebe dura no seguru.
Primeiru Ministru rekuinese realidade nasaun laiha kapasidade atu fo servisu kualidade diak ba povu Timor oan sira. Povu moris diak signifika estadu tenke halo pulítika ekilibradu hodi hadia rendementu sustentavel hosi empregu formal nebe dura to’o idade reforma povu, tanba kampo servisu nebe karakter sasional nudar empregru situasional ka empregu provezoriu. atu atinji progresu dezenvolvimentu nebe kualidade diak komponenti tomak inklui sidadaun hotu tenke involve hamutuk iha prosesu tomak, tanba guvernu mesak labele halo milagre. [ag]