Crew Cabine hasai foto hamutuk ho bebé feto Afganistaun nebe moris iha aviaun laran ho naran Havva iha vôo evakuasaun husi Dubai ba iha Birmingham, Reino Unido, 28 de Agosto de 2021. (Foto: Turkish Airlines via REUTERS)
Turkish Airlines hateten feto Afganistaun ida partus bebé feto ida iha Sabádu (28/8) dader iha vôo evakuasaun atu ba Inglaterra. Prossesu partus refere ajuda husi tripulação de cabine.
Soman Noori, nebe ho idade 26, komesa kontrasaun durante iha vôo Turkish Airliness husi Dubai ba iha Birmingham. Nia partus bainhira aviaun semo aas ona ho metru 10.000 iha espasu aero Kuwait.
Noori no nia bebé, nebe fo naran Havva, iha kondisaun saudavel.
Turkish Airliness hateten Aviaun, nebe lori sidadaun Afganistaun nebe servisu ona ho Inglaterra iha Afganistaun, to’o iha Kuwait hanesan assaun prevensaun. No entantu vôo kontinua to’o atinji objetivu. [mf]