‘Sira iha Na’i Maromak nia tronu nia oin, no servi ba Nia loron no kalan.’ ~ Apokalipse 7:15 NKJV
Bainhira ó hanoin kona-ba ó-nia uma ne’ebé mak ó mehi, iha tan pergunta rua mosu mai. Uma ne’e dook oinsá husi ha’u-nia servisu fatin? Karik ó husu tiha ona saida mak ita sei halo iha Lalehan? Tamba Lalehan mak Paraízu ne’ebé mak foun (ka Paraízu ne’ebé rekonkista fila fali), le’e ida ne’e: ‘Na’i Maromak dehan ba sira, “Fó fuan barak ba no multiplika halo barak ba; halo nakonu mundu no domina nia; domina… ba buat moris sira hotu ne’ebé mak bo’ok-an iha mundu.’” (Genesis 1:28 NKJV)
Bíblia la fó deskrisaun kona-ba servisu espesífiku ruma ne’ebé mak ita sei halo iha Lalehan, maibé iha Paraízu dahuluk fó tiha ona klu importante rua mai ita.
- ‘Fó fuan barak ba no multiplika halo barak ba.’ Ó sei la presiza esforsu-an hodi hakompleta nesesidade bázika sira. Ó sei la moris ho esperansa ne’ebé mak rahun no desepsaun sira (ka kekecewaan sira). Mehi sira hotu no ideia kreativu sira hotu ne’ebé mak ó iha sei sai realidade.
- ‘Domina… buat moris sira hotu ne’ebé mak bo’ok-an.’ Liafuan ‘domina’ katak ‘hodi ukun’. Entaun ita sei promovidu ba iha posizaun lideransa nian no manajementu nian. Maibé ida ne’e mak ninia diferensa! Iha Paraízu ne’ebé mak lakon tiha ona, Na’i Maromak dehan ba Adaun, ‘Malisan ba rai tamba ó; ho ó-nia kosar-been ó sei halo ida ne’e ba ó-nia moris tomak.’ (Genesis 3:17 NKJV) Maibé iha Paraízu ne’ebé mak hetan fila fali, Na’i Maromak dehan, ‘Sei laiha tan malisan.’ (Apokalipse 22:3 NKJV)
Hateke sa’e ba fitun sira iha kalan ida, labarik mane oan ida dehan ba nia apá, ‘Se parte ne’ebé mak sala husi Lalehan de’it furak, oinsá ho Ninia parte ne’ebé mak loos?’ Nune’e pergunta mak ida ne’e: Karik ó ba Lalehan bainhira ó mate? Ó fiar tebes duni? Ó bele duni. (Haree iha pájina 200). Joaun dehan, ‘Buat hirak ne’e hotu ha’u hakerek tiha ona ba ó ne’ebé mak fiar ba iha Na’i Maromak nia Oan Mane nia naran, atu ó hatene katak… ó iha moris rohan laek.’ (1 Joaun 5:13 NKJV)
Hahán espiritual: Ezekiel 20-21 ; Lukas 19:28-40 ; Salmu 111 ; Provérbiu 19:18-20