Ilustrasaun ema simu vasina, (Foto: Reuters)
Ajensia ida husi Nasoin Unidas, UNICEF, hateten Corea do Norte husu ona kuaze vasina Covid-19 dozes milhaun 3, produsaun China nebe aloka ona ba nasaun neba, atu haruka fali ba nasaun sira nebe hasoru epedemia nebe grave.
“Ministério Saúde Pública Coreia do Norte husu atu vasina milhaun 2,97 dozes nebe oferesida husi COVAX ba nasaun neba, desviados ba nasaun sira nebe afetadus, fornecimentu global vasina Covid-19 nebe limitadu no kazu nebe kontinua repete iha nasaun balun,” hateten porta-voz UNICEF iha nia email ba iha VOA, Tersa-feira (1/9/21).
COVID-19 Vaccine Global Access (COVAX) mak programa distribuisaun vasina internasional nebe objetivu ba nasaun sira nebe rendimentu kiik. UNICEF simu no distribui vasina ba programa refere.
Corea do Norte seidauk relata kazu Covid-19 desde pandemia hahu iha fulan ikus dezembru 2019. Iha relatoriu foun ba Organizasaun Mundial da Saúde (OMS), Corea do Norte hateten halo ona teste Covid-19 ba ema 37.291 iha loron 19 Agostu. Rezultadu hotu-hotu negativu.
Aleinde ne’e mos Corea do Norte kontinua implementa medidas antivirus estritas (ketat) hanesan restrições ba viajen domestika no taka fronteira. [mf]
https://www.voaindonesia.com/a/korea-utara-tolak-vaksin-covid/6083093.html