‘Ema beik sira ódiu sabedoria no instrusaun sira.’ ~ Provérbiu 1:7 NKJV

Liafuan Ebraiku tolu mak uza hodi define liafuan ‘beik’ iha Provérbiu nia laran.

  • ‘Kesil.’ Ida ne’e refere ba ema ulun-toos ne’ebé hanoin katak nia la presiza ema seluk nia konsellu.
  • ‘Ewil.’ Liafuan ida ne’e iha ninia signifikadu báziku katak ‘espesamentu (ka pengentalan) líkidu sira’. Ida ne’e refere ba ema ulun-toos ne’ebé mak zomba (ka mengolok-olok) ideia sira kona-ba pekadu nian no rejeita hodi rona konsellu sira.
  • ‘Nabal.’ Ida ne’e refere ba ema ulun-mamuk ne’ebé hatudu ninia falta sabedoria ka falta matenek liuhusi maneira moris nian ne’ebé beik.

Entaun, ema beik mak ema ne’ebé ulun-mamuk no ulun-toos ne’ebé mak hetan nota ki’ik iha eskola sabedoria nian. Sira bele intelektualmente matenek, finansialmente susesu no sosialmente admiradu, maibé sira moralmente no espiritualmente monu (ka falla). Liurai Salomaun bolu ita-nia atensaun, ‘Ema beik sira mate tamba falta sabedoria ka matenek.’ (Provérbiu 10:21 NKJV) Hanesan ho isin-lolon ne’ebé sei mate tamba falta oksijéniu, mane ka feto sei ultimamente no eternalmente mate tamba falta sabedoria ka matenek. No liurai Salomaun subliña ida ne’e: ‘Sees husi ema beik, bainhira ó la haree husi nia-an ibun sabedoria ka matenek nian.’ (Provérbiu 14:7 NKJV) Mensajen ida ne’e klaru tebes: só ema beik sira mak la’o ho beik sira! Nune’e bainhira ó forma amizade ida, ida ne’e mak pergunta sira ne’ebé ó presiza hatán: Será ke ema seluk ne’e lori sai di’ak ne’ebé mak iha ó-nia laran ka aat ne’ebé mak iha ó-nia laran? Sira iha atitude ne’ebé mak pozitivu ka atitude ne’ebé mak negativu? Kolega sira hanesan saida mak halo belun ho sira? Ka sira envolve-an iha buat sira ne’ebé mak viola ó-nia valór sira? Sira koko hodi kontrola-an no kontrola sira-nia hirus sira? Sira lori ó besik liu tan ba Na’i Maromak ka lori ó dook liu tan husi Nia?

Hahan Espiritual: Ezekiel 27:25-30:26 ; Lukas 20:9-19 ; Salmu 112 ; Provérbiu 20:1-4