Soldadu Vietnam ida, seguransa hela iha dalan Ho Chi Minh City, iha implementasaun blokeiasaun rígido to’o dia 16 Setembro 2021 hodi hapara propagasaun pandemia COVID-19.
Vietnam Segunda (6/9/21) kondena prizaun tinan 5 ba mane ida nebe viola regra kuarentena no hadaet virus corona ba ema seluk, informa mídia estatal.
Le Van Tri, idade 28, deklaradu sala tamba “ espalha virus infeksaun nebe perigozu” iha julgamentu loron ida iha Tribunal Popular Provinsia Ca Mau, Vietnam do Sul, tuir Ajensia Notisia estadu Vietnam (VNA).
Vietnam sai hanesan nasaun ida nebe sucessu kontrola virus corona iha mundu, grasa husi teste massa, distansia social, restrisaun (pembatasan) fronteira, no kuarentena estritas (ketat).maibe iha grupu infeksaun foun desde fulan Abril nia ikus hafoer rekorde ne’e.
Vietnam luta hela kontra pandemia COVID-19 nebe sai pior nebe daet ona ba ema kuaze 536.000 no hamate ema 13.385, maioria iha fulan ida ne’e. Nasaun neba fo ona sansaun ba nain rua seluk ho komarka fulan 18 no tinan 2 ba akuzasaun nebe hanesan. [mf]