‘Treina labarik ida iha dalan ne’ebé mak nia tenke ba [no mantein nafatin ninia talentu individuál sira no ninia tendénsia sira].’ ~ Provérbiu 22:6 AMPC

Bíblia dehan, ‘Treina labarik ida iha dalan ne’ebé mak nia tenke ba [no mantein nafatin ninia talentu individuál sira no ninia tendénsia sira], no bainhira nia bo’ot ona nia sei la la’o sees husi ninia dalan ida ne’e.’ Buat ne’ebé loos mak bainhira prinsípiu universal sira balun aplika ba labarik hotu-hotu, laiha labarik na’in-rua ne’ebé mak hanesan, ne’e sala bainhira ita trata labarik hotu-hotu ho dalan halo sira sai indivíduo sira ne’ebé mak la’os sira-nia an rasik. Iha realidade, ida ne’e mak fallansu rua ne’ebé mak ó halo nu’udar inan-aman:

  • Ó koko hodi transforma ó-nia oan sira hodi sai hanesan ho ó-nia an ida uluk. Tamba de’it uluk ó hatene joga bola ho di’ak iha eskola, ida ne’e la dehan katak ó-nia oan sira mós sei tuir ó-nia ain-fatin. No tamba de’it uluk ó hetan valór ne’ebé aas iha eskola, ida ne’e la dehan katak ó-nia oan sira mós sei iha kapasidade hodi halo buat ne’ebé hanesan ho ó. Bainhira ó labele hodi tolera ka rekompensa baruk-teen, ó mós tenke simu katak la’os labarik hotu-hotu mak simu talentu atlétiku ka talentu intelektuál ne’ebé mak hanesan.
  • Ó koko hodi transforma sira sai buat ne’ebé mak ó hakarak sira hodi sai. Labele koko hodi hamoris fila fali ó-nia moris liuhusi ó-nia oan sira. Ó iha tiha ona ó-nia oportunidade sira, no tamba de’it ó la hetan valór ne’ebé mak di’ak iha profisaun ne’ebé mak ó hili, ida ne’e la dehan katak ó tenke hakaas ó-nia oan sira hodi la’o tuir diresaun ida ne’e.

Bíblia dehan, ‘Treina labarik ida iha dalan ne’ebé mak nia tenke ba [no mantein nafatin ninia talentu individuál sira no ninia tendénsia sira],’ la presiza dalan ne’ebé mak tuir loloos ó tenke ba ka dalan ne’ebé ó hakarak atu nia ba la’o tuir. Iha marka saudável tolu husi auto-estima ne’ebé mak ó tenke hanorin ba ó-nia oan sira:

  • Hatene ó-nia an rasik
  • Gosta ó-nia an rasik
  • Sai ó-nia an rasik. ~ SML

Hahán ba klamar: Ezekiel 43-45 ; Lukas 21:12-24 ; Salmu 78:32-39 ; Provérbiu 20:20-21