‘Na’i Maromak tau tiha ona parte sira ne’e iha isin-lolon, kada ida husi sira, hanesan ho  buat ne’ebé mak Nia hakarak sira hodi sai.’ ~ 1 Korintu 12:18 NIV

Karik ó sente hanesan hola parte iha igreja seluk iha ne’ebé ninia ema sira ‘hanesan liu ho ó’? Grupu misionáriu sira ba iha Kenya nian, ne’ebé mak lori husi eskoltu husi tribu Masai nian hodi hakat liu husi planísie ba iha sira-nia destinasaun. Iha dalan, sira-nia atensaun foka ba iha grupu ida husi gnus sira (ka rusa kutub sira) ne’ebé mak halo migrasaun hamutuk ho grupu ida husi kuda zebra sira. Eskoltu ne’ebé mak lori hela sira iha viajen ne’e esplika ba sira tamba saida mak grupu bo’ot ida husi espésie ne’ebé mak lahanesan ne’e bele halo viajen hamutuk. Nia esplika katak, gnus sira ne’e (ka rusa kutub sira ne’e) iha sensu hodi haree nian ne’ebé mak fraku, maibé sira iha sensu hodi horon nian ne’ebé mak forte tebes, iha sorin seluk, kuda zebra sira iha sira-nia sensu hodi haree nian ne’ebé mak di’ak no sensu hodi horon nian ne’ebé mak fraku. Nune’e, bainhira sira la’o hamutuk, sira sei ladún vulnerável ba iha atake sira tamba sira-nia diferensa sira taka sira-nia frakeza sira seluk.

Apóstolu Paulu hakerek, ‘Karik isin-lolon tomak ne’e mak matan, sensu hodi rona nian iha ne’ebé? Karik isin-lolon tomak ne’e mak tilun, sensu hodi horon nian iha ne’ebé?’ (1 Korintu 12:17 NIV) Ida ne’e hanesan ho gnus sira (ka rusa kutub sira) ho kuda zebra sira ohin ne’e, loos ga lae?

Bainhira ita hola parte ba iha grupu ida nia laran, baibain ita hili liu hodi bele hamutuk ho ema sira ne’ebé mak hanesan liu ka maizomenus hanesan ho ita. Maibé filiasaun iha Kristu nia Isin-Lolon tau ita hamutuk ho ema sira ne’ebé mak diferente ho ita hanesan ho liman ne’ebé mak diferente ho inus. No bainhira diferensa sira ne’e dalaruma bele inkomoda ó, sira mak diferensa sira ne’ebé mak Na’i Maromak kria hodi bele fó benefísiu ba ó. Kuda zebra sira ne’e ho gnus sira ne’e (ka rusa kutub sira ne’e) la presiza atu gosta malu, maibé sira-nia sobrevivénsia no susesu depende ba sira-nia la’o hamutuk.

Ó-nia kresimentu espirituál ne’e la depende ho konkorda ho ema hotu-hotu, maibé ida ne’e depende ba iha hadomi sira ho sufisiente hodi nune’e bele moris hamutuk ho di’ak!  ~ SML

Hahán ba klamar: 2 Korintu 1-4 ; Lukas 22:1-13 ; Salmu 78:56-64 ; Provérbiu 20:25