Ministru Komunikasaun Sosial no Assuntu Parlamentar Francisco Jerónimo. (Foto: Andre Gusmão)
Ministru Komunikasaun Sosial no Assuntu Parlamentar Francisco Jerónimo iha plenaria Parlamentu Nasional Segunda semana ne’e hateten, programas vasinasaun intensivamente kontinua lao iha teritoriu nasional tomak nebe. Iha munisipiu Dili vasinasaun primeira doze atinji ona 76 porsentu, no vasinasaun Segunda doze atinji ona 62 pursentu, relasiona ho númeru óbitus ka ema mate barak nebe akontese, Ministerio saúde fo ona instituisaun ba diretor saúde nasional no munisipal to’o iha postu administrativu hotu atu halo investigasaun hodi deskobre kauza nebe rezulta ema barak mate. Ministru esplika, governu halo ona esforsu maka’as hodi proteze populasaun tomak husi atakes virus corona liu husi meius mobiliza komunidade hotu atu submete protokolu prevenaun Covid-19 inklui submete ba vasinasaun. Governu rekuinese komunidade barak la partisipa vasina tanba influensiadu ho informasaun barak lalóos nebe divulga sai husi media sosial.
Mapcoms afirma, governu halo ona esforsu hotu nebe bazeia ba regras protokolu organizasaun saúde mundial kontra pandemia Covid-19, maibe populasaun rasik tenke iha konsiensia rasik hodi proteze saude rasik. Tanba saúde populasaun iha kada ema ida-idak nia liman rasik. [ag]