‘Karik ita monu, maibé ita sei nunka soe sai (ka tersingkir)!’ ~ 2 Korintu 4:9 PHPS

Hanesan ho ai-hun sira ne’ebé mak kle’uk iha anin, ema reziliente sira hetan forsa liuhusi difikuldade sira tamba sira hatene oinsá atu halo buat lima tuir mai ne’e:

  • Mantein konektadu. Liurai Salomaun hateten, ‘Rua di’ak liu duké ida de’it… Karik ema ida husi sira mak monu, ida seluk bele ajuda nia hodi hamriik fila fali.’ (Ekleziástiku 4:9-10 NIV) Bainhira Barbara Smith nia oan mane hetan oho, nia kria grupu hodi lutu nian hodi halibur ema sira seluk. ‘Ami salva malu,’ nia hateten nune’e.
  • Monitoriza sira-nia konversa-interna. Atensaun ba oinsá ó ‘dulas’ ó-nia situasaun. Ka’er toman ó-nia an ko’alia buat negativu sira no reformula nia iha Eskritura nia roman. Na’i Maromak hateten, ‘Buat ne’ebé mak ó ko’alia bele signifika moris ka mate.’ (Provérbiu 18:21 NCV) Envezde tuur hodi nani de’it iha ta’uk no hirus nia laran, no tanis tamba saida mak ó bele to’o iha situasaun ohin loron nian, fokus ba iha buat ne’ebé mak ó bele kontrola – ó-nia liafuan sira.
  • Buka ba moris nia momentu sira ne’ebé mak naroman liu. Liurai Salomaun hateten, ‘Fuan ne’ebé mak haksolok, mak ai-moruk ne’ebé di’ak liu, maibé espíritu (ka semangat) ne’ebé mak rahun, hamaran ó-nia forsa.’ (Provérbiu 17:22 NCV) Bainhira Donna Goldman hetan diagnóstiku ho moras eskleroze ne’ebé mak barak, nia kontinua nafatin hodi hanorin. ‘Ha’u husik labarik sira halimar ho ha’u-nia ai-tonka hodi la’o nian – bainhira sira la uza ha’u-nia ai-tonka sira ne’e hanesan armas sira!’ nia ko’alia halimar nune’e. No ninia karreta nia plaka hakerek, ‘Get Back Up (ka Sa’e Fila Fali Ba Leten)’.  
  • Fó fila fali. Na’i Maromak ‘fó komfortu mai ita… hodi nune’e ita bele fahe komfortu ne’ebé mak hanesan ho ema sira seluk.’ (2 Korintu 1:4 CEV) Renee Weinhouse, ne’ebé mak sobrevive moras kankru estájiu 4 no dirije grupu apoiu nian ida, hateten, ‘Laiha buat ida ne’ebé mak halo ha’u kontente liu duké fó esperansa ba iha pasiente ida.’
  • Tau-matan ba sira-nia an. Han ne’ebé mak saudável no ejersísiu ne’ebé mak regulár ajuda hodi hadia parte sira husi kakutak nian ne’ebé mak fásil liu hodi kona stress. Bainhira Debora Robinson nia la’en kona moras Alzheimer, Debora komprende katak, ‘Karik ha’u di’ak ba ha’u-nia la’en, ha’u mós tenke di’ak mai ha’u-nia an.’ ~SML

Hahán ba klamar: 1 Samuel 1-3 ; Lukas 23:1-12 ; Salmu 34 ; Provérbiu 21:14-16