‘Sem abilidade iha liafuan justisa.’ ~ Ebreu 5:13 NKJV
Apóstolu Paulu hakerek, ‘Ema sira hotu ne’ebé mak konsumu de’it susubeen, nia laiha abilidade iha justisa… nia bebé ida.’ “Loos” la’os kondisaun ida ne’ebé mak ó hetan liuhusi esforsu umanu nian, maibé, ida ne’e mak pozisaun ida ne’ebé Na’i Maromak koloka ó ba bainhira ó fiar iha Kristu. Komesa husi tempu ne’ebá duni, Na’i Maromak hakarak ó haree ó-nia an nu’udar ‘loos’, ida ne’e mak oinsá Nia haree ó. ‘Liuhusi hahalok lei nian laiha ema ida mak loos iha Na’i Maromak nia oin, tamba liuhusi lei iha koñesimentu kona-ba pekadu. Maibé agora Na’i Maromak nia loos ne’ebé mak ketak husi lei revela tiha ona… ba ema sira hotu no ba ema sira hotu ne’ebé fiar.’ (Roma 3:20-22 NKJV) Karik ó hakaas-an hodi bele sai loos no bele tama ba iha Lalehan, le’e ida ne’e: ‘Na’i Maromak halo Nia ne’ebé mak la hatene pekadu sai pekadu tamba ita, atu ita sai Na’i Maromak nia loos liuhusi Nia.’ (2 Korintu 5:21 NKJV) Iha hanoin ne’ebé loos ne’ebé mak hanesan katak Na’i Maromak halo Jesus ‘pekadu ka sala’, iha momentu ne’ebé mak ó fiar iha Jesus, Nia halo ó ‘sai loos’.
Karik ó sei halo pekadu nafatin tamba ó sei hela iha isin ne’ebé mak seidauk rejeneradu (ka seidauk lahir baru)? Sin. No to’o bainhira ó hetan tiha ona ó-nia isin ida foun, ida ne’e sei nafatin hanesan ne’e. Karik ó rona tiha ona kona-ba moras ne’ebé mak fantasma (ka phantom pain) – sensasaun ne’ebé mak mai husi parte ida husi isin-lolon nian ne’ebé mak laiha tiha ona? Nu’udar ema fiar-na’in sira, ita iha moras ne’ebé mak fantasma (ka phantom pain) ne’ebé mak ita tenke hasees nia husi ita. Oinsá? Liuhusi komprende diferensa entre ita-nia pozisaun no ita-nia kondisaun. Ita-nia pozisaun ‘iha Kristu’ mak halo ita iha fiar-an ba iha Na’i Maromak. Ida ne’e mak Eskritura ne’ebé importante: ‘Na’i Maromak nia Reinu mak… loos no dame iha Espíritu Santu.’ (Roma 14:17 NKJV) Atensaun ba iha ordenasaun ida ne’e. Tamba ita hatene katak ita kasu tiha ona ba loos iha Na’i Maromak nia matan, ita iha dame, no tamba ita iha dame – ita iha ksolok. ~ SML
Hahán ba klamar: 1 Samuel 14-15 ; Lukas 23:44-56 ; Salmu 91 ; Provérbiu 21:28-31