Sekretariu Ezekutivu Komisaun Nasional kombate moras HIV-SIDA Atenacio de Jesus.
Sekretariu Ezekutivu Komisaun Nasional kombate moras HIV-SIDA Atenacio de Jesus iha biban seminariu kampainha prevensaun moras HIV-SIDA iha salaun auditoriu Universidade da Paz Kuarta semana ne’e ba jornalista sira hateten, total númeru kazu moras HIV-SIDA iha nasaun laran hahú husi tinan 2003 to’o fulan fulan junho 2021 hamutuk 1.374. Husi númeru ne’e hamutuk pasienti atus 656 maka halo hela tratamentu, enkuantu nain atus 155 maka mate ona. Enkuantu restu sira seluk seidauk halo tratamentu tanba problema difikuldades.
Husi númeru total kazu ne involve nivel idade hotu kompostu idade bebé, jovens to’o idade avansadu. Kordenador no mobilizador partisipasaun seminariu prevensaun moras hiv-sida Gaspar da Costa Pacheco agradese ba seminariu ne’e tanba oferese ona materia prevensaun moras HIV-SIDA ba estudantes partisipantes sira. Nia apela ba estudantes partisipantes seminariu atu hatutan informasaun ba estudantes sira seluk no ba sosiedade públiku tomak.
Enkuantu prezidenti komisaun F asuntu saúde igualidade jéneru no inkluzaun sosial Noé da Silva hateten, Governu presiza halo esforu makaas divulga informasaun hodi sensibiliza sidadaun hotu kona ba moras HIV-SIDA hodi redús númeru kazu HIV-SIDA iha nasaun laran. Deputadu Noé mos husu komisun nasional kombate moras HIV-SIDA atu nafatin intensivamente aplika kampanha sensibilzasaun liu husi workshop ka seminariu hodi fo edukasaun ba sosiedade. Deputadu Noé mos husu ba sidadaun hotu atu iha konsiensia rasik hodi proteze saude rasik husi ameasa moras HIV-SIDA. [ag]