‘Hau halai taru too ona nia rohan’. 2 Timoteo 4:7

Laos ema hotu nebee halai taru remata sira nia jogu. Paulo hakerek: ‘Bainhira ema halai taru, ema barak halai, maibee ida deit mak manan premiu. Tanba nee, imi tenki halai makaas atu imi bele hetan premiu nee. Ema hotu nebee mak atu tama kompetisaun, sira tenki treinu sira nia aan ho disiplina. Sira halo nunee atu bele manan premiu ida nebee la dura. Maibe ita nee treinu ita nia aan atu hetan premiu ida nebee dura tinan ba tinan. Nunee hau la halai arbiru. Se kompara ho kompetisaun tuku malu, hau laos tuku mamuk deit. Hau treinu makaas hau nia aan, too hau domina hau nia aan tomak se lae, hau foo sai Liafuan Diak ba ema, maibee too ikus hau rasik la simu premiu’. (1 Korintu 9:24-27) Paulo koalia konaba nia salvasaun; ida nee isu nebee resolvidu. Nia koalia konaba ninia presente lalehan nian, no liafuan partikular nee tuir lolos halo ita para no labele hanoin tan : dalaruma hau rasik mos sei hetan diskualifikasaun. Buat balun iha nee mak bele kauza nebee mak halao ita sai erro iha jornada moris :

(1). Faila hodi lae Maromak nia liafuan no halo orasaun loron-loron.

(2). Dehan lae ba Nai Maromak wainhira Nia halo akordu ho ita boot konaba area espesifiku iha ita nia moris.

(3). Failansu moral nebee mai husi ita nia abitus no relasaun nebee mak lalos.

(4). Husik duvida no tauk sira halo ita alejadu.

(5). Gasta tempu ba buat nebee mak la vale, diak lsiu  fokus ba buat nebee Nai Maromak  bolu ita atu halo.

(6). Susesu iha kareira no faila iha uma laran.

(7). Labele halibur ita nia rikusoin, talent no tempu iha Maromak nia reinu, nebee mak rezulta falta de rekursu hodi kumpri Nai nia hakarak ba ita nia moris. Lista sira nee bele lao ba oin nafatin. ‘Oh Maromak, buka hatene hau no konhese hau nia fuan laran. Koko hau ba, no hatene hau nia hanoin. Haree took se hau lao iha dalan sala, no lori hau iha dalan rohan laerk.’ Ida nee mak tipu orasaun ida nebee Maromak gosta atu hatan! (SFL)

Hahan Ba Klamar : 1 Sam 20::30-23:29, Lukas 24:25-35, Sl 60, Proverbio 22:7-11