‘Uluk imi moris tuir dalan loos. Se mak bosok imi hodi sees fali hosi dalan nee’ . Galasia 5:7

Ita mak tenki responsabiliza ita nia moris no labele foo sala ema seluk.iha jardim Eden wainhira Maromak husu ba Adao tamba saida mak nia han husi ai huun nee, nia duun fali ba nia kaben: ‘Feto ida nebee O foo mai hau, nia mak foo ai fuan nee mai hau, no hau han.’ (Genesis 3:12)

Depois ita lee, ‘Feto hataan, “Samea bosok hau,  no hau han” (Genesis 3:13) Eva foo sala fali ba diabu. Serake Maromak simu sira nia razaun? Lae. Maromak dehan ba Adao: ‘Tanba o rona tuir o nia fen nia lian no han hosi ai huun ida nebee Hau manda ona baa o, dehan o labele han husi ida nee, rai sei simu malisan tanba o, liu husi terus o sei han hosi rai nee durante o nia moruis tomak. Ai-tarak no duut tarak sei mosu mai hosi rai nee ba o, no o sei han hosi ai horis sira iha rai luan.’(Genesis 3:17-18) no Maromak dehan ba Eva, ‘Hau sei aumenta makaas o nia terus iha tempu isin rua, liu husi terus o sei tuur ahi; o sei hakarak nafatin o nia laen, no nia sei ukun o.’ (Genesis 3:16) Depois Maromak kulia nunee Adao no Eva, no duni sai sira nain rua husi Paraizu.

‘Tanba Maromak hatene buat hotu,’ dalaruma ita husu, ‘oinsa mak Nai Maromak bele hirus Adao no Eva?’ Tamba nem ida husi sira mak atu responsabiliza sira nia aksaun! Wainhira ita halo pekadu/sala, Maromak sei foo perdaun ita (haree iha Nehemia 9:17). Oinsa mos, saida deit mak Maromak la simu mak, taka-aan, subar , rasinalizasaun, buka razaun no foo sala ba malu. Nai nia liafuan hatete, ‘Nia nebee subar ninia sala sira sei la hetan susesu, maibe ema nebee konfesa no husi sala sei hetan laran luak.’(Proverbiu 28:13) Se karik ita hakarak muda ba oin, ita tenki responsabiliza ita nia moris! (SFL)

Hahan Ba Klamar : Genesis 1:1-2:3, Joao 1:1-18