‘Mai ita halai ho perseveransa iha kompetisaun nebee mak iha ita nia oin’. Ebreu 12:1

Iha buat rua iha nee mak ita presija hatene:

(1)        Ema lalos sei halo ita kanek ou moras. Iha grupu rua husi ema nebee mak ita nunka mais atu hetan influensia. Primeiru kompostu husi ema VPN (Very Needy People) sira. Ema nebee mak presija los, ema nebee negativu los, no presija los ema seluk. Segundu kompostu husi ema VDP (Very Draining People) sira: ema nebee hasai energia makaas, ema nebee mak duvida, ema nebee mak gosta interompe. Hadomi ho ajuda sira iha dalan nebee deit mak ita bele halo, maibe labele hetan influensia husi sira no lidera husi sira. Enkojara sira, maibe wainhira sira koko atu dada ita ba sira nia dalan, hakotu kedas relasaun nee no entrega sira ba iha Maromak.

(2)        Ema nebee los sei ajuda ita. Wainhira Nai Maromak iha servisu nebee presija halo, Nai bolu mane ou feto ida atu halo ida nee. Maibe nia la bolu sira mesak. Nai bolu ema seluk hodi ajuda no suporta sira. Nee signifika katak ita nia disponibilidade atu hetan ajudus la dehan katak ita fraku maibe ita nia forsa.

Paulo hakerek kapitulu barak iha Testamentu Foun hodi foo sai ema nebee mak ajuda nia hodi kompleta ninia vizaun. Ida nee mak nia hatete ba ema Filipenses sira: ‘Hau sempre agradese ba Nai Maromak bainhira hau hanoin imi. Hau sempre halo orasaun ba imi ho laran haksolok, tanba hosi loron primeiru imi simu Maromak nia liafuan Diak too agora, imi ajuda hau hodi foo sai Liafuan Diak nee.’ (Filipi 1:3-5) Karik ita matenek, ita sei hatete sai buat nebee mak Nai Maromak la foo ita hodi halo, delega ema nebee mak priense kualifikadu, ho servisu tuir ita nia forsa rasik. Ita nia parte mak tenki haraik aan, maibe iha tempu naruk nia laran ita sei hetan buat boot. (SFL)

Hahan Ba Klamar : 1 Sam 24-26, Lukas 24:36-44, Salmu 51, Proverbiu 22: 12-16