‘Susar ba ema nebee monu, no laiha ema atu ajuda sira’. Eklesiastes 4:10
Nai Maromak lakohi atu ita lao mesak. Ita hotu presija suporta no koragen husi tempu ba tempu, maibe kuidadu ho ema nebee mak ita fila ba.
(1) Labele ba ema nebe la iha kapasidade hodi resolve ita nia problema. Wainhira ita fahe ita nia problema ita sei hetan ajuda temporariu husi sira, maibe oinsa karik sira ladun maduru hodi resolve problema nee? Jesus hatete, ‘Maibe see mak halo labarik kiik ida monu ba sala too nia la fiar mai Hau, nia sei simu kartigu todan. Diak liu ema kesi fatuk boot ida iha nia kakorok hodi lori ba soe tama ba tasi laran.’ (Mateus 18:6)
(2) La sala ida karik ita ba fali kolega ida nebee mak vida spiritual maduru. Biblia hatete, ‘Belun ida hadomi nafatin hela deit, no maluk ida moris mai ba tempu susar.’(Proverbiu 17:17) Maibe o tenki hatene katak sira nee mak belun nebee lolos. Pedru hakerek, Tanba domin taka sala barak.’ (1 Pedru 4:8) Ema nebee mak hadomi los ita sei halo orasaun mai ita, no sei lao hamutuk nafatin ho ita too hetan vitoria. No wainhira ita iha dalan nebee sala, sira sei la taka no foo razaun mai ita- sira sei husu ita nia responsabilidade.
(3) Karik posivel, fila ba ita nia aman spiritual. Paulo hatete, ‘ Iha ema rihun ba rihun mak hatudu dalan ba imi kona ba Kristu Jesus, maibee hau mesak deit mak sai imi nia aman.’ (1Korintu 4:15)
Hanoin didiak konaba buat nebee aman diak halo. Nia kurize, maibe nunka kondena ita. Nia nunka desiste ba ita. Nia foo ba ita buat nebee kualidade no ajuda ita hodi rezove ita nia parte nee fraku. Duke halo reasaun ba parte negative husi ita nia failansu, nia rekonhese ita nia potensia no nafatin servisu ba ita. Tan nee husu ba Nai Maromak konaba ita nia aman spiritual, no nafatin halo komunikasaun regular ho nia.
Hahan Ba Klamar : Efesus 1:1-4:16, Joao 1:1-13, Salmu 92, Proverbiu 22: 24-25