Ilustrasaun rai nakdoko (REUTERS/David McNew).
Jakarta, CNN Indonezia – Ema nain 37 kanek kauza husi rai nakdoko nebe ho forsa 5,6 nebe doko Albânia iha loron Sábadu (21/9) oras lokal.
Tuir survey geologico, rai nakdoko nebe akontese iha Albânia besik iha sidade portuária Durres, kuaze kilometre 35 iha kapital Tirana.
Cita husi CNN.com, Domingo (22/9), radio no televizaun lokal hateten katak ospital iha Tirana informa ema 37 mak sai vitima kanek no agora daudaun halao hela tratamentu.
Primeiru Ministru Albânia Edi Rama, nebe planu atu viajem ba Nova York, EUA, kansela ninia viajem hafoin rona notisia refere. Nia espera atu fila fali ba Albânia husi Franfurt, fatin nebe nia iha ba bainhira nia rona notisia refere.
Ministru Saúde Albania Ogerta Manastirliu hateten rai nakdoko ne’e akontese iha tuku 02.04 ne’e halo ema 68 mak hetan kanek.
Foto sira nebe divulga hatudu kareta sira nebe hetan estragus iha sidade neba. Eletrisidade mos mate tamba dezastre naturais ne’e.
rai nakdoko ne’e akontese ho forsa 5,3. “Ami nia vizinhu sira hotu halai sai no hakilar. Agradese tamba ida ne’e la akontese ho durasaun kleur, kuaze 20 segundu. Ida ne’e sai mehi aat ba ami iha andar 10. Hau la hanoin tan se karik makas liu ida ne’e, “dehan ema ida nebe hela iha fatin refere ba Reuters. [mf]