Vaksinasi malaria di Poliklinik Ewin di Cape Coast, Ghana, 30 April 2019. (CRISTINA ALDEHUELA / AFP)Vasinasaun malaria iha clinica Ewin iha Cape Coast, Ghana, 30 Abril 2019. (CRISTINA ALDEHUELA / AFP)

Organizasaun Mundial Saude rekomenda vasinasaun malaria ba labarik sira iha Áfrika Sub-Sahara no área sira seluk iha kontinente neba nebe iha taxa transmissaun málaria nebe aas.

Vasina nebe konhesidu nudar Mosquirix ne’e, hatudu prova efetivu iha programa ezemplu iha Ghana, Kenya no Malawi nebe atinji liu labarik rihun 800 desde 2019.

Diretor-Jeral OMS Tedros Adhanom Ghebreyesus gava vasina foun ne’e iha anunsiu Kuarta-feira, hanaran nudar realizasaun “mehi tuan maibe la konsege alkansa. “

Nia hateten,”Ita sei nafatin hasoru dalan naruk nebe ita tenki liu, maibe ida ne’e  dalan naruk tebes. Vasina mak prezente ba mundu, maibe nia valor sei senti barak liu iha Áfrika, tamba iha neba mak malaria nia todan ne’e boot liu.

OMS hateten malaria mak principal kauza mortalidade labarik sira nian iha Sub-Sahara Áfrika, nebe kauza liu labarik rihun 260 kada tinan.

Vasina ne’e dezenvolve durante tinan 30 husi empreza gigante farmacêutica global GlaxoSmithKline, ho fundasaun Bill & Melinda Gates nebe fo orsamentu ba dezemvolvimentu final. [mf]

https://www.voaindonesia.com/a/who-rekomendasikan-vaksinasi-malaria-di-sub-sahara-afrika/6260886.html