‘Haksolok bebeik ba’. 1 Tesalonika 5:16

Dalaruma ita husu perguntas ba ita nia aan, ‘Maromak, tamba sa hau? Oinsa mak Ita Boot la hatan hau nia orasaun? Tamba sa mak Ita Boot nia liafuan ba servisu iha hau hanesan servisu ba ema seluk? Kolega nebee diak ho intensaun atu foo hatene ita, kuidadu korente nebee haleu ita, buat hotu sei lao diak, maibe ita la konsege haree naroman nee ho borus. Wainhira ita hanoin katak buat hotu sei la lao diak, ita foti ita nia Biblia no lee, ‘Haksolok bebeik ba…no agradese ba iha buat hotu’ (1 Tesalonika 6:16-18) hanesan ita haksolok iha ita nia situasaun hotu!

Alexander Maclaren hatete, ‘Hakaas aan hodi kuda sentimentu haksolok husi Maromak nia diak iha ita nia moris loron-loron.’ Mesmu ke ita nia moris loron-loron hasoru buat oi-oin nebee mak halo ita dezanima no fim ‘Agradese’ mak buat nebee mak ita hakarak atu halo.

Nancy Leigh DeMoss sugere katak: ‘…labele koko moris nudar Kristaun nebee la ho sentimentu gratidaun. Ho esforsu no konsistensia maka ita bele “rezulta” sai susesu no prespektiva nebee loos, maibe ita nia Kristianismu (hanaran nunee) sei sai fraku, makaas no la atraidu. Karik ita nia fiar hotu bazeia deit ba liafuan sira nebee hakerek iha livru teologia nian, ida nee la diak ba espansaun ou haluan sira nebee mak esforsu aan hodi aguenta moris. Sentimentu gratidaun lolos nebee mak sentraliza deit iha Kristu no motivasaun husi grasa nee apar los ho momentu nebee mak ita hanoin barak no situasaun difisil loos iha ita nia moris. No wainhira la ita lahetan  resposta, ida nee foo esperansamai ita. Ida nee transforma esforsus sira sai vitoria nebee triunfante…Gratidaun mak esforsu nebee makaas, grasa, nee estilu moris Biblia nian…no (ida nee) nia forsa transformasaun foo ba ema sira nebee mak konhese no hatene Ida Nebee Foo presente diak, no simu Nia grasa remensaun.’

Nunee husik ita nia fokus ba ita nia situasaun no agradese ba Ida nebee mak sempre hamutuk ho ita iha pasu hotu nebee ita hakat liu. (SFL)

Hahan Ba Klamar : 2 Samuel 1:1-3:21, Joao