‘Ema ho laran hirus aumenta problema, maibe nia nebee neneik atu sai hirus hatuun problema’. Proverbiu 15:18
Salomaun repete niania konselu mai ita ‘neneik atu sai hirus’ (Proverbiu 14:29; 15:18; 16:32). Foti ita nia Biblia no lee Eskritura sira nee ho neneik, ho meditasaun, no orasaun. Foo atensaun maximu ba Eskritura laran iha momentu nebee Jesus hirus (oituan), no buat-ruma sei haksoit ba ita. Nia nunka hirus ba ema nebee halo buat ruma ba nia. Nia nunka mais responde ou hasoru ema nebee halo aat ba Nia. Mesmu too ema hedi nia ba kruz, Nia halo orasaun, ‘Aman, foo perdaun ba sira; ba sa saida mak sira halo, sira lahatene.’ (Lukas 23:34) Furak, loos ka lae? Karik ita seriu hodi Jesus, ita presija aprende hodi banati tuir Jesus.
Bible hatete, ‘Hataan ho laran maus se hatuun laran hirus, maibe liafuan todan sei provoka laran hirus.’ (Proverbiu 15:1) Ita haree ona ka lae ba profesinal bombeirus sira nunka hamate ahi la ho ahi? Bebeik liu bee mak sai instrumentu nebee diak liu. Dalan nebee hanesan, resposta ho laran maus ba ema nebee hirus mak hanesan fakar bee malirin hodi hakalma nervosu ka ahi nebee lakan.
Kolegiu Kenyon nia unidade peskija diskursu ida konaba halo konfirmasaun liu husi esperimentu ida katak, wainhira ema hakilar ema seluk sira sempre hataan. Peskija ida nee mos prova ona katak ita labele kontrola ema seluk nia intonasaun lian, depende ba ita nia lian nebee ita iha. Se ita mantein ita nia lian mamar, laos deit ita hases aan husi hirus, maibe iha posibilidade ita mos bele prevene mos ema seluk hodi hirus. Se ita hakarak sai hanesan ho Kristu no susesu iha relasaun ho ema seluk? Nunee liafuan ba ohin loron nian mak ‘Neneik atu sai hirus’(SFL)
Hahan Ba Klamar : 2 Samuel 3:22-7:17, Joao 1:43-51, Salmu 23, Proverbiu 23: 4-5