‘Labele halo kolega ho ema nebee hirus’. Proverbiu 22:24
Ita haree ona siput fatin sem siput oan iha laran, no oinsa siput oan nee bele sai husi nia knuuk? Haree ba iha kuak kiik oan nebee mak halo husi siput ida. Kriatura kiik husi tasi ida nee bele halo servisu nebee hanesan mos ho boor nia oan nian halo. Ho ida nee siput boor ba iha ninia knuuk hodi hasai siput moris iha laran liu husi kuak nee, uituan-uituan too nia bele han.
Labele husik ema seluk nia hirus no komentariu kritiku estraga ita nia natureza nebee diak no hadau ita nia kontente nebee ita iha. Se ita la kuidadu, ita sei sai hirus no laran moras too iha pontu nebee mak ita nia hirus komesa domina ita nia aan. No ida nee perigu ba ita nia saude. Iha evidensia konaba medikus barak mak suporta faktu ida nee katak tipu depresaun sira tamba nervozu ou hirus nebee mak mai husi ita nia aan rasik. Hanoin didiak konaba aisasiik ida uluk, ‘Laos saida mak ita han, maibe buat nebee han iota mak halo ita moras.’
Biblia hatete, ‘Labele halo kolega ho ema nebee hirus bebeik, no lalika ransu ema nebee hirus manas. Labele aprende nia hahalok, hodi o nia klamar la tama ba lasu.’ (Probverbiu 22:24-25). Se ita matenek natoon, ita sei koko hadook aan husi ema nebee foo influensia negativu no ema nebee mak sempre hirus ba realidade moris no mos ema nebee gosta trai ita husi kotuk.
Iha liafuan seluk hadook aan husi ema hirus-teen! John Mason hakerek: ‘maneira ida hodi livre husi buat nebee mak ita la gosta mak hadook ita nia hanoin ou fokus ba buat nebee mak kontra ita. Hanoin fator negativu simplesmente sei hamosu forsa nebee mak tuir lolos sira rasik laiha. Koalia konaba ita nia protesta mak sei aumenta tan nia komplain ba iha parte refere. Hakbesik ita nia aan ba Maromak nia perdaun, planu no liafuan. Depois tau atensaun ba ita nia aan wainhira ita liu ona situasaun uluk nian. (SFL)
Hahan Ba Klamar : 2 Sam 7:18-11:27, Joao 2:1-11, Salmo110, Proverbiu 23:6-9