‘Labele halo nunee iha situasaun saida deit’. 2 Timoteu 4:5
Feto ida tuur hela iha kadera kuatu laran nian wainhira ular metan kiik ida derepenti mosu iha nebaa, dolar iha semente leten, too buka dalan ba iha sofa okos. Tamba deit tauk ular, nia halai ba tan nia katuas oan nebee ke haris hela iha haris fatin laran. Nia halai sai husi haris fatin ho deit kabala toaila, nia foti aisar aat husi armari sorin, no nia hahuu baku tama ba sofa okos.
Iha momentu nebaa asu sira mos hader hotu no kuriozu los hodi hakarak hatene saida mak akontese, asu nee mai iha mane nee (laen) nia kotuk no kose nia inus malirin nee ba mane nia ain tuban. Mane hanoin katak ular nee mak tata ona nia ain tuban, nia hakfodak no desmaia kedas iha fatin. Feto nee (feen) hanoin katak nia katuas oan desmaia tamba atakasaun fuan, tan nee nia halai husi uma ba kedas ospital nebee besik hela sira nia uma. Kondutor ambulansia sira mai kedas sira nia uma hodi tula mane nee ba iha toba fatin. Maibe iha momentu sira lori mane nee sai, ular nee mosu fila fali husi sofa okos. Kondutor ida husi sira seluk sai tauk liu tamba nee nia halo monu toba fatin no mane nia ain sai tohar. Haree nia katuas oan nia ain rua nebee kleuk, nia mos monu kedas iha fatin. Iha momentu nee kedas ular nee mos dolar neneik hodi sai!
Proverbio antigun ida husi Afrika dehan, iha tipu 40 konaba hahalok nebee arbiru/kegilaan maibe iha deit tipu ida konaba akal sehat.’ Asaun impulsive bain-bain halo situasaun sai aat liu molok atu sai diak.
Molok ita sai paniku, hakalma ita nia aan no husu ba Maromak matenek no ajuda, mesmu iha situasaun nebee ke simples liu.
Hahan Ba Klamar : 2 Sam 17:14-19:43, Joao 3:22-36, Salmo 89:38-52, Proverbiu 23:19-21