‘Labele preokupa’. Mateus 6:26

Saida deit mak akontese iha ita nia moris, nafatin koko mantein buat hotu ho prespektivu. Se lae, ita sei haree problema kiik hanesan ho problema nebee boot ida. Ou dalaruma ita halo kontrariu, trata situasaun bai-bain hanesan ‘laos problema ho boot’.  Tendensia seluk mak- ‘hanoin aat’ ou ‘minimaliza’- sei lori it aba problema sira. Tan nee halo diak ita nia parte hanesan ho sira no labele husik sira harahun porsaun nebee ita iha. Dezenvolve ita nia abitu hodi haree ba iha dezenho boot (big picture), duke hanoin deit ba iha issu ida nebee mak halo ita hirus.

Ita hanoin liu konaba ita nia problema nebee iha sei halo problema nee sei sai boot liu. Wainhira ita hasoru situasaun sira hanesan nee konserteza sei halo ita hirus, resolve tiha lai paniku  antes atu resolve problema refere. Tuur, hakalma aan, no hanoin konaba buat nebee mak halo ita kontente. Lialos mak, prokupasaun nunka mais atu lakon.

Wainhira ita resolve issu ida, ida seluk mos sei hein hela hodi troka nia fatin. Ida nee realidade moris nian; ita labele muda ida nee. Saida mak ita presija halo? Troka ita nia prspektiva! Nunee ita foku liu ba ita nia preokupasaun, tau Maromak iha ekuidade. Serake Nia halo ita faila? Lae, no Nia nunka mais! Grasa Maromak nian nebee kuidadu no lori ita liu situasaun susar hanesan nee no sei hamutuk ho it aba nafatin!

Nota katak Jesus hatete konaba buat sira nebee mak ita preokupa liu: ‘Nee duni, lalika preokupa, “Ita atu han saida?” ka “Ita atu hemu saida?” ka “Ita atu hatais saida?”…Maibe imi nia Amani ha lalehan hatene hotu imi nia presiza nee. Nunee buka uluk reinu Maromak nian no Nia justisa maka buat sira nebee imi presiza, Nai Maromak sei foo ba imi.’ (Mateus 6:31-33)

Hahan Ba Klamar : 2 Sam 22:31-24:25, Joao 4:13-26, Salmo 32, Proverbiu 23:29-35