Apple Store iha Beijing, China, 28 Setembru 2021. (Foto: Andy Wong/AP).
Voa- Servisu audio livrus Amazon, Audible, iha Sexta-feira (15/10/21) hateten hamos ona aplikasaun hodi le’e Al-Quran no Biblia husi Apple store iha China tamba “rekizitu permisaun” governu.
Dezenvolve aplikasaun Al-Quran no Biblia no sira seluk, inklui Olive Tree Bible software iha EUA, mos hateten aplikasaun sira nian hamos husi Apple store pedidu husi governu.
Eleminasaun (penghapusan) ne’e hanesan ezemplu ida regulamentasaun nebe rigorozu ba emprezas internet.
Governu halao hela kontrolu rigorozu ba internet, aleinde kontrola informasaun online, nune’e difisil liu tan atu determina razaun eleminasaun ne’e.
Tinan ida ne’e, China assumi kontrolu nebe bo’ot liu kona ba algoritmos nebe uza iha emprezas teknologia atu uza modifika konteudu, no limitandu expozisaun ba labarik sira iha video games no esforsu halo restrisaun ba privasidade dadus.
Associated Press iha Sexta-feira (15/10/21) hateten porta-voz embaixada Chinesa liu husi Liu Pengyu iha Washington rejeita pedidu ajensia notisia ne’e atu koalia kona ba eleminasaun aplikasaun sira ne’e. No entantu, Liu hateten iha nia deklarasaun katak governu China “sempre insentiva no apoia dezenvolvimentu internet.”
“Ao mesmu tempu, dezenvolvimentu internet iha China mos tenki kumprir regulamentu China, Nia aumenta tan.
Apple rezeita atu fo komentario. [mf]